我怎可能是女神👸🏻獵人🏹（第一季更新至斷更為止）: 732

其實點會不可告人，佢連畀條仔內射都敢同我講…
不過為咗生活我就點都要返工嘅，就喺某個星期五夜晚我放工返到屋企嘅時候，見到QQ重喺度直播緊，佢著住件黑色吊帶背衫喺度彈乃木坂；都係咁啦，對我嚟講…我日日都有得睇嘅，都唔明啲宅男點解咁戇居會畀錢睇直播，連隻手仔都無得摸下，而且就算可以免費睇佢哋都係會課金。
我唔知啦，大把人有錢，係我窮，課唔起，得未？
反正我有錢都係用嚟養一個喺我屋企真實存在嘅女仔，點都屌打晒班毒撚啦；而我課咗咁多，就擔返張凳仔坐喺對面欣賞下眼前呢位…『黑武士』喺度彈琴。
大概一點鐘，佢由輕快舒暢嘅乃木坂，突然之間跳tone變成Star Wars嘅the imperial march，要知道呢首曲目嘅節奏感係非常之強，每一下都兩隻手齊上齊落咁拍落琴鍵上面，隨之而嚟造成身體喺度䟴下䟴下，一對無戴Bra嘅波波喺度搖曳…
我唔知有幾多人喺度睇緊佢直播，但俾著我見到條波罅都要㩒入嚟望下啦，就算無樣睇。
呢個衰妹吖，戴住黑武士個面具真係上晒身咁，彷彿一大堆毒男喺佢面前聽住軍樂喺度操兵，而面具下嘅佢就喺度奸笑，諗緊點佔領宇宙。
彈完之後佢就微微彎腰烏低身再唧一唧對波，揮揮手同佢啲fans講bye bye，真係少啲定力都死。
我：「做乜…今日播到咁夜嘅？」
Q：「嘿！你隻白兵竟然咁質疑本女王？！」




然後佢隨手係側邊攞起咗把遮，雙手緊握揮動劈咗落我度。
我：「饒命呀！黑武士大人…使唔使咁認真…」
Q：「既然都要做落去，咪投入啲先玩得開心，娛人娛己吖嘛，如果唔係點捱落去喎。」
我：「係…我知道妳好畀心機搵外快。」
Q：「白兵咪咁多廢話！彈咗三個鐘琴就嚟散喇，快啲嚟同本宮按摩下！」
佢係咪想由星球大戰穿越去到宮鬥劇？雖然星戰本身都有啲類似宮鬥嘅成份…佢坐咗喺張電腦凳上面，而我呢隻白兵就自動自覺企喺佢後面，雙手用力按壓佢嘅膊頭；妳個衰妹吖，妳估我執咗兩個鐘碗碟唔會攰嘅咩？
真係唔會攰，因為呢個角度可以由後上方鳥瞰入去佢吊帶背心入面嘅位置，成條乳溝喺我眼前呈現咗個黑色嘅三角形，而且只要我隻手再摙落少少，就已經係佢上乳嘅位置，開始感覺到佢啲軟肉。
我：「妳做乜重戴住個面具呀？」
Q：「容乜易你見到我真身之後起兵做反㗎？！」
當然，佢都係要除面罩…反正下面都無戴罩。