我怎可能是女神👸🏻獵人🏹（第一季更新至斷更為止）: 742

Q：『佢約咗咁多次，好難推晒…你知道佢有幾煩㗎啦，咪當考試前問佢攞下貼士。』
我：『呢個男人都算係厚面皮咯。』
Q：『論厚面皮嘅話你應該比佢更勝一籌囉。』
我：『Anyway，恭喜妳今晚…有外遇。』
Q：『外你個頭！朋友嚟咋！』外加槌仔同刀。
我：『係唔係妳都咁講㗎啦，男朋友即係男性朋友即係朋友嘅一種。』
Q：『唔好意思，我都係學你㗎咋。』
我：『Sorry，我嗰啲唔係朋友，係普通朋友。』
Q：『即係唔係朋友啦！而家未落堂㗎，快啲抄埋黑板啲考試範圍。』
真心唔知抄嚟做乜，我隨時可以睇QQ啲notes，或者趁先生唔為意嗰陣攞電話出嚟影咪得。今時今日上堂間唔中喺櫃桶㩒電話已經係常態，先生有時為咗避免麻煩都係隻眼開隻眼閉，而Wendy當然睇到我分緊心，但就無理我做乜。




放咗學，我就同Wendy手拖手一齊上去圖書館。
講笑，唔明點解咁多網上小說會寫一男一女喺學校拖手，就算情侶都唔會啦，俾人睇到實煩到死都似，我就無呢個勇氣，好明顯個個作家其實都無校園戀愛經驗剩係識㞗吹。
W：「係呢，我幾時有得嚟睇你打波呀？」
我：「嗯…等我諗下先，下個星期二，考埋最後中英文oral，放咗學佢哋book咗場會一齊玩，然後放兩日假，星期五開始對卷，嗰日下午係初賽，再下個禮拜三就對晒卷兼分班，之後嗰日唔使返學，跟住星期五決賽，無記錯就係咁。」
W：「估唔到咁快就一年，最尾個星期五，朝早重有夏日音樂會同才藝表演，你會唔會返㗎？」
我：「係咪唔點名㗎？唔點嘅話我就唔返喇…」
W：「咁你唔睇你好朋友Queenie彈琴嗱？」
佢特別注明好朋友呢三隻字。
我：「係？我都唔知佢有試後活動要玩…」
對於我嚟講，日日都睇住性感嘅佢彈琴，重有乜必要專程返嚟學校欣賞佢喺台上表演。




W：「其實…嗰日我個家政學會都有嘢玩，會喺禮堂出面賣即整雞蛋仔同格仔餅，而我…就會負責喺廚房度焗曲奇…」
都正常嘅，出嚟擺攤見人嘅多數會係高form師姐，等於我哋比賽前鋒俾中五搶晒一樣。
W：「如果你返嚟，又唔介意嘅話…我可以攞啲焗得唔靚仔嘅請你食，等你有力打波…」
喺我面前，浮現咗一個女仔嘅身影，就係早苗；雖然大頭妹細細個嘅時候唔靚女又巴喳，但開始大個去到世青篇嘅時候已經超級正，有前有後之餘重要九頭身，完全唔明高橋陽一點養佢出嚟；每次睇到戴翅偉贏咗波向佢索取奬勵，我都會感到葡萄不已…幻想早苗幫滿身臭汗嘅主角侍浴按摩，洗滌佢疲憊不堪嘅身軀，再用自己肉體幫佢排泄埋體內積存已久嘅精華…