我怎可能是女神👸🏻獵人🏹（第一季更新至斷更為止）: 744

我：「放心啦，我已經俾妳整到百毒不侵。」
Q：「咁佢約我幫我慶祝生日同考完試，我總無理由推佢呀，就算唔係呢日都要搵第二日畀佢㗎啦…」睇嚟…我知道咗啲緊要嘢。
我：「原來妳就快生日。」
Q：「做乜喎，我無咗屋企啫，唔會無生日㗎！」
我：「瘟神佢真係目標明確，策略得宜呀下。」
Q：「咁追女仔係咁㗎啦，乜你無追過咩？」
俾QQ咁問法，我唯有擔天望地諗咗陣。
我：「講起上嚟，我又真係好似無追過女仔。」
Q：「唉，都係，你以前嗰啲根本就係夾硬嚟。」
我：「咁點呀，妳諗住收佢做後宮，後備，水泡？」




Q：「唔好問我啦，我都唔知呀，如果我要收呢啲嘢早就一大堆。」
我：「瘟神真係陰功，枉佢一片真心，結果咁好嘅男仔要俾妳玩弄喺掌上。」
Q：「我知佢唔差，咁可以點喎，佢明知我有仔都重要追我，而且一路以嚟都OK舒服，唔通我叫佢收皮彈開唔好搵我咩，咁樣又唔係幾好。」
我：「女神英明，就兵住佢先，慢慢食窮佢。」
Q：「我唔係你呀！總之…遲早都係要解決。」
我：「諗清楚先好，後備呢家嘢，有總好過無。」
Q：「我唔想煩呀！如果真係鍾意就話啫，我又唔係想玩仔，同埋到我要嗰陣隨時都有啦。」
我：「嗯嗯嗯，焼和牛好味道。」
Q：「懶得理你，我好攰，去沖涼先。」
然後佢又喺我面前除咗條校裙出嚟隨手一拋。




唉，如果瘟神睇到呢個畫面一定夠J足十次。
不過知道咗呢個衰豬生日，我諗我都要有啲表示，點算好呢，有無乜平平地可以令佢開心呢？
考試，考試，考試；略過，略過，略過。
這個很重要，所以要講三次。
咁痛苦嘅嘢各位小朋友可以自己享受，唔使睇我嘅故仔嚟感受，我就唔將啲苦難轉嫁落你哋度…
順帶一提中間夾住嘅五六日係有返工嘅，因為星期一係考中西史地理，無乜所謂啦；本人記憶力有限，日頭同QQ一齊背三四個鐘已經飽和，溫得再多都唔會有用，希望全部合格多啲就得。
Q：「死仔包你英文oral考幾點？」
我：「十一點，我夠鐘先返去…」
Q：「你較咗鬧鐘未？我返去先喇，唔好指擬我打電話嚟叫醒你。」
我：「得啦，我搞得掂…」




過埋今日，就終於考晒所有試，印象中我啲答案都算發揮出正常水平，所有嘢下個禮拜就會揭盅，只求可以同QQ繼續做同班同學；至於放學之後，QQ有得溫仔，有個老襯同佢慶祝生日…我…都唔可以有乜意見㗎喇，佢男朋友就比較幸福，乜都唔知應該重諗緊點同條女共渡生日，按道理都會包埋中出，一齊爽歪歪。