我怎可能是女神👸🏻獵人🏹（第一季更新至斷更為止）: 782

健：「唔緊要喎，打機都係為咗娛樂，輕鬆下啫，我都化咗㗎喇，自從上咗傳說之後我都無乜再玩，覺得唔使迫自己太高要求。」
不如，話你俾Kuromi玩咗一鑊甘，所以化咗。
而我，就鑊鑊新鮮鑊鑊甘，不過只要QQ肯繼續同我玩，呢個遊戲我都可以玩落去。
返到屋企，見到女神坐喺張枱前面寫寫寫，佢真係無論幾時都咁積極…
我：「考晒試都咁忙…唔好同我講溫緊下年啲書呀…」其實我好懷疑佢真係會咁做。
Q：「嗯，寫緊小說呀。」
我：「妳唔係話唔係幾收得，放慢咗嘅咩？」
Q：「我轉咗個網名，修改咗一下個風格，然後掛埋落去直播身份嗰邊，而家都OK，IG account又幫我吸到客，無論睇文定直播。」
其實呢，你點解唔讀商科呢？大學讀奸商管理marketing就啱。又係噃，佢講過讀理科一樣可以讀返晒大學所有商科…
我：「係咪諗住琴棋書畫，才女咁話咯。」




Q：「OK咁啦，唔係點氹人課金畀我。」
妳隻Kuromi，賣肉就賣肉啦…有幾多人真係嚟聽音樂同睇文喎，香港係文化沙漠嚟！
我：「咁快換晒衫，晏晝唔返去嗱？」
Q：「唔啦，要問學科資訊大把人俾我問，上網都搵到晒資料，得Zilvia一個返去咋，而且佢係想搵佢師姐。」
我唔阻佢作文，於是我打開電腦打我嘅飛機…game；大約去到三點幾。
Q：「玩咁耐唔攰嘅咩？睇到個畫面都頭暈。」
佢講得無錯，我都適應咗好耐先玩到呢隻全方位嘅3D戰機game，一邊天旋地轉一邊射啲敵機落嚟，喺任何3D遊戲之中…呢隻已經係極致。
我：「有啲啦，都係時候要抖下。」
Q：「又或者，攞返隻真嘅飛機出嚟打下？」
我：「Queenie妹妹…你咁講係乜嘢意思呀？」




Q：「無呀，笑下你咋嘛，我啱啱寫到個男主角想打佢女神飛機，覺得好難落筆，然後就諗起你。」
嘩，搞乜鬼變到寫甜故咁嘅，重要咁寫實…佢之前唔係寫開公主式幻想愛情呢啲㗎咩？雖然我無睇過…
我：「我幫唔到妳喎…打咗咁耐機邊有力J，係都今晚先啦。」有時諗下我哋啲對話夠晒怪。
Q：「唔使咁驚，我未至於為咗寫文要你做我model嘅。」認真，我乜嘢緊嗰陣佢都試過有好多次喺我身邊，但從來都未試過一次係無遮無掩咁俾佢全程睇晒我下面嘅。