我怎可能是女神👸🏻獵人🏹（第一季更新至斷更為止）: 785

B：「惜下啫，無乜嘢嘅…」
我：「係咩，咁我叫瘟神到時落力啲，啜妳條脷入去佢個口入面，舔完上面再舔下面，再放自己啲口水喺妳脷面度等妳帶返去自己身體入面，點呀，妳捨得將自己咁寶貴嘅經驗交畀一個唔係自己鍾意嘅人咩？」
我知我有啲over咗，但我就係要令佢跪低，我知我好成功，因為佢塊面已經變晒顏色。
B：「咁…你有乜辦法叫瘟神放棄？有乜好處畀到佢？教佢追你個friend…嗰個…Queenie女神？」
該煨，堂堂社長師姐都要尊稱佢做女神，睇嚟Queenie嘅名氣實在係威震四方；Well，我知我亂用四字詞，如果QQ喺隔籬實恥笑我。
我：「睇嚟真係全世界都知。」
B：「無辦法啦，太明顯，同你嘅曳一樣都係咁惡名昭彰。」咦，咁QQ係咪優名昭彰？
我：「欸…但我唔係幫佢呢樣，總之…唔係重點嚟啦。」畢竟瘟神放棄QQ暫時應該得我知，無謂幫佢宣揚啦，多一事不如少一事。
B：「我唔明，你幫我有乜好處？你唔似係會咁好心，到底你想點樣？」
我：「嘻嘻，Bubble師姐…我就知妳係一個非常醒目，威風凜凜嘅社長嚟，其實係要妳二揀一，一係同瘟神佢打茄輪，一係就…借個心口出嚟，畀人摸下咁。」佢聽到之後面色又再次一沉…




B：「呀爽呀！我都無得罪你吖，何解無端端你要咁樣走嚟玩我得唔得，我知你曳，知你鹹濕，但你想玩咪走去搵Carmen囉…唔好咁對我啦，我已經好煩…」
我：「Bubble師姐，唔好緊張住，唔係我想打妳主意，冷靜啲先…如果我有需要梗係搭個（車立）上去搵Carmen方便快捷得多，點會嚟玩妳喎…」
B：「咁邊個想打我主意？而又搵你做中間人？」
我：「欸…其實，無人要打妳主意，邊個敢吖…」
除咗我之外，不過而家嘅我唔會。
我：「我只係希望，妳可以幫妳嘅其中一個隊員實現一個好卑微嘅夢想。」
B：「吓，我唔明喎，求下你唔好咁黐線得唔得，放過我啦…乜嘢隊員呀…你…講阿健？」
我：「係，無錯，你哋隊我都只係識佢。」
呢段日子，其實我都有欠咗佢，幫Kuromi瞞住佢攪到一鑊粥咁，而且佢上次捱義氣幫我山長水遠接細蚊返嚟，我希望可以報答下佢，送個驚喜畀佢。
B：「我真係唔明呀，點解揸我波會係卑微嘅夢想？求下你唔好玩我啦，死人爽…」




然後我就深深咁吸咗一大啖氣，望住開始西斜嘅太陽，繼續我嘅大言不慚。