我怎可能是女神👸🏻獵人🏹（第一季更新至斷更為止）: 787

我：「放棄，唔揸。」我垂低我嘅雙手。
B：「驚俾我打呀？」
我：「唔係，從來都唔驚俾女仔打，不過…師姐嘅心口對我嚟講只係過下手癮，但對於其他人嚟講就係夢想，係一塊里程碑，可以打開佢日後光輝燦爛嘅成長之路。」
B：「有無諗過你吹起上嚟其實同瘟神一擔擔…」
我：「吓…唔係呀化，你竟然將我同嗰隻剩係識搵人笨嘅嘢比，唔好咁啦…同埋，最重要呢，如果我揸妳波波，應該唔會睇到妳笑，咁樣嘅話我只係揸緊一對乳房，而唔係一個女仔…同Carmen一齊嗰陣呢，雖然有啲每日都唔知做緊乜嘅感覺，但每次非禮完佢見到佢笑就會覺得好實在。」
B：「你諗嘢都幾特別㗎喎，我…都想可以有個揸完我會令我笑嘅男仔…喂，講返正題，俾人摸下其實無乜大不了，但係…我總無可能無端端走去搵個師弟同佢講，你想唔想揸我對波咁㗎？！我驚唔係我怕咗佢，而係佢嚇死咗。」
我：「放心啦，如果…到咗應該嘅時候，佢就會自動自覺嚟搵Bubble社長妳，嘻嘻。」
B：「即係點，佢唔會突然走埋嚟非禮我呀…」
我：「條友仔邊敢吖，到時妳就會明，唔使知。」
B：「哦，如果無嘢發生，我乜都唔會理㗎。」




我：「如果真係咁，無人幫到佢，妳當賺咗囉。」
B：「同埋我想問，佢…對我無嘢㗎？」
我：「應該就無，一見鍾情呢啲嘢淨係小說先會有嘅啫，妳同佢隔咗兩個form，欬都無謦多幾句，唔會無端端乜嘢嘅，佢只係崇拜妳姣好嘅身材啫，因為實在太有震懾力，咁啱又可以幫妳踢波…」
B：「唉，一個二個都係咁，剩係識關心我嘅上圍。」俾著以前，我一定會用手掃掃佢心口，講句無計啦，鬼叫呢度實在太出類拔萃，有啲嘢天生，人哋拔（正字：揠）苗助長扯到粒lin都長埋都重係荷包蛋咪又係咁。
我：「窈窕淑女，君子好逑嘛，不過呢，就只限嗰方面㗎咋，唔通揸完波波就會愛上妳咩，只係愛上對波…真係鍾意，就點都要相處過先知…」
初初識QQ，覺得佢高斗，又唔會掂得嘅，都懶得理佢；後來佢嚟到我屋企，就認命，呢個女仔實在內內外外都咁正，可以一齊住，得閒打下佢飛機就好開心；到越嚟越熟，變得慢慢親近，就會好想擁有佢，不停討好佢；到而家冷靜返，就知道自己其實無乜嘢可以做到，除咗繼續深深咁鍾意佢之外，無論如何，就算得唔到佢，都會為咗佢做一切嘅事情。
我：「師姐妳好想識男仔咩？」
B：「無…見到個個得過望字，又唔嚟識我，覺得無奈啫，真係比較熟嘅就剩係識攞我嚟講笑…」
我：「呢層…我大概都可以理解到嘅。」