P:「唔好賴我,一早同你講咗我樓下的士要等好耐,叫你call定車先,你係唔聽。」
C:「妳又唔講下我喺樓下等咗妳十五分鐘先肯落嚟?」十五分鐘就黑面,睇嚟佢都…
Q’:「唔緊要啦,反正都未嚟齊,兩架家長車好似兜咗好耐先接得晒啲細嘅…」
呢啲混戰場面,重複雜過我去踢社際足球,諗起就已經心累,點解係都要我嚟呢啲場合喎,畀少少錢上網請個ptbf唔得嘅咩;好彩Yvonne都叫做幫我準備好晒,就算唔打得都睇得下,如果唔係我真係會無面見人到想掘個窿瓹落去。
Y:「哎呀!佢哋應該到喇。」
望向遠處嘅停車場,啱啱泊咗兩架黑色七人車。
Q’:「係呀,係呀!呢邊呀!快啲過嚟啦!」
車門開咗,就有一堆小朋友落車跑過嚟,Queenie就跳下跳下向佢哋揮手;其實又唔係小朋友嘅,我諗都係介乎中一到中四到,只不過佢哋係比較需要照顧嘅一群掛;大同細呢啲…都係相對上嘅啫,主要睇心境囉,我喺中心同啲哥哥打緊乒乓波嗰陣咪覺得自己係細路囉,而喺球場夜鼆鼆撩細蚊嗰陣咪哥哥囉;鬼叫我生得牛高馬大,又晨咁早衰埋十一,要扮細路都有啲難,而QQ同YY…我從來就無當過佢哋係細路女,老司機就有份…
雖然情況混亂,我都姑且數下啦…總共有六個女仔,兩個男仔,再加一個蛇頭姐姐?!有個明顯係大啲嘅姐姐喺司機隔籬位落咗車,同兩個叔叔講咗幾句之後就跑埋過嚟。跟住兩個叔叔繼續喺度吹水,但就唔關我哋事嘞。
Q’:「Helen媽!辛苦晒妳睇住佢哋嘞!」


H:「作死妳呀!邊個俾妳咁叫我!哎,有新朋友仔喎,你哋好…呀…sorry呀,我忙到死…無諗過要點介紹自己添…」
呢位蛇頭姐姐,打扮算係最普通嘅一個,白色印花露淺腰T恤微透入面件藍色半截泳衣,下身係牛仔熱褲加波鞋;中長髮額前分界,戴住無框眼鏡感覺非常斯文,但佢心口係幾有才華嘅,所以絕對唔會無嘢睇。
Y:「呢位係好好人嘅Helen姐姐,非常有愛心,十分受小朋友歡迎,樂團位置係豎琴,預計嚟緊下個學年會升讀poly u嘅nursing。」佢主要都係介紹畀我同Priscilla聽。
H:「喂呀!做乜畀高帽我戴呀…連我讀乜都講埋出嚟…又唔係特別叻。」
「Helen媽!我個水樽好似漏咗喺架車度…」
H:「唔準學佢哋咁叫我呀!無所謂啦,船上面大把嘢飲㗎,走嗰陣先攞返囉。」
救命…原來poly u nursing叫做唔係特別叻。
已有 0 人追稿