我怎可能是女神👸🏻獵人🏹（第一季更新至斷更為止）: 816

我：「得你一個嘅，而家先去灣仔？」
明明阿爽晨咁早就起咗身，佢平時都無咁神心…
健：「吓，我唔係去灣仔呀，我去旺角搵二手書，係得我一個咋嘛。」
仆街交叉仔，竟敢講大話呃我。
我：「淨係去買二手書？」
健：「係呀，咁分完班咪早啲去搵書囉，遲啲去可能俾人買晒，我又唔係妳，慳得咪慳。」
我：「我都想用二手書呀！你…買完就返屋企？」
健：「係呀，最多食個tea咁囉…妳咁望住我做乜喎，我真係去買書，要做衰嘢都唔敢啦。」
我：「係嘅，諒你都唔會將自己第一次交畀啲性工作者。」
健：「除非…有個好似Kuromi妹妹咁可愛啦…」




我：「哦。如果見到平靚正嘅話就幫手買多本啦。」
健：「妳真係要用二手書？」
我：「唔係呀，你知阿爽份人顧住玩都唔上心嘅，費事睇住佢臨開學前幾日先周圍撲書啫。」
健：「兩三本嘅話就可以，太多我都攞唔到，一係…叫埋佢而家去？係咪未起身？」
我：「唔使喇，佢今日有節目，唔使搵佢。」
唔好打草驚蛇，今晚先好好炮製你。
我：「重有聽日踢波畀心機，幫我大炒阿爽啦。」死人爽，好想懲罰你。
健：「吓，但聽日對妳哋社喎，做乜想自己輸？」
我：「唔知呀！總之幫我射穿佢哋嘅防線啦。」
健：「唔通…你哋社長激親妳？」




我：「呀…又唔係嘅，其實佢同我無乜嘢㗎咋，不過我都無興趣睇佢認叻，祝你哋聽日好運啦。」
健：「多謝Queenie，我會畀心機㗎喇。」
我：「好啦，唔阻你買書，我哋唔同方向，bye。」
就係咁，我帶住百般疑問去搵我男朋友…就算佢要搵EX，或者約咗韻婷，都唔需要同我講大話吖，如果佢要同韻婷一齊，好快就紙包唔住火，定係佢忍唔住要搵細蚊解決呢，而又覺得樣衰唔敢同我講，但…細蚊住咁近，隨時都扑得啦，只要我唔喺度，有乜必要呃我呢？
我：「嗯…嗯啊…啊啊啊啊…吖啊啊啊吖…」
其實…性愛都係一種好平常簡單嘅需要嚟啫。
「乖乖豬舒唔舒服呀？」
我：「嗯，OK啦。」
「我唔掹出嚟，坐上嚟抱住我吖…Queenie，妳真係全世界最好嘅女朋友嚟。」
有個靚女肯畀你中出，全世界嘅男人都會咁講㗎啦。佢間房咁啱得咁巧，個窗就對正我屋企棟樓，不過單位就打側咗，唔可以直接用望遠鏡對望。