我怎可能是女神👸🏻獵人🏹（第一季更新至斷更為止）: 863

丁：「見你哋食得咁開心，我哋又玩下咋嘛…咦，佢對波上面重有蜜糖喎，你食得咁唔乾淨㗎？」佢一路咬住條腸仔斜眼望住條女講。
我：「哦，收到！」既然人哋男朋友叫到…
我又潛返落去蜜絲心口，啜乾淨返所有蜜糖汁，等佢唔使黐納納，原來舐蜜糖都會醉。
絲：「你有無當過我係你條女㗎？！」
丁：「梗係有啦，如果妳唔係咁正，可以迷惑到萬千少男，重邊有資格做我女朋友呢？」
嘩！實在係發人深省，豪氣干雲呀！
絲：「你哋個個有得食！點解我無得食㗎？！」
呢個時候奧丁突然縮頭，喺YY口中扯埋嗰半條腸出嚟；對於食物被搶走，YY顯然有啲唔高興，睇嚟女仔想爭起食上嚟都實在唔嘢少。
然後奧丁咬住條腸，將俾YY咬到溶溶爛爛兼且沾滿口水尾嘅一截喂落去蜜絲把口度。
丁：「呀。」蜜絲唔出聲，一啖一啖食晒條腸，直至兩人嘴對嘴啜啜。




我：「妳唔係呷醋呀？」
Y：「唔知呀！」然後一嘢拍落我心口上面。
唉…又點會因為我而呷醋吖，假嘅…
玩完一輪，坐返去麻雀枱，見到公主已經坐咗喺Charles大髀上面，感覺親蜜咗好多，睇嚟酒精加瘋癲嘅遊戲確實可以令到異性相吸嘅威力倍增。
提提大家，而家嚟到第五圈南風。
G：「雙番南，混一色，正花，多謝蜜絲六十四。」
咁搞法，呢圈我咪又同蜜絲玩…有無新女呀。
絲：「又唔係輸緊，使唔使搵老公出嚟幫手呀？」
Q’：「無呀，大家輪流玩下咋嘛。」
佢個款好似真係對輸贏毫不在意。




G：「嗱，我就唔怕蝕底自己女朋友出去嘅，但如果YY尋起仇上嚟，我賠唔返個咁得意嘅男仔畀人，咁樣唔係太好。」點解我係得意？
Y：「自摸，混對，紅中八番，位位一二八。」
睇嚟女賭徒終於返生，無可能再輸。
P：「混一色，無花，多謝Gabriel。」
Q’：「呀，妳係想請我飲酒咋！」
P：「自摸，平糊，正花。」
妹妹仔想快刀斬亂麻？啱嘅，輸少的確可以當贏，睇嚟就快有得睇蜜絲skinny dipping。
而唔使睇我都知，蜜絲基本上鋪鋪做緊清一色，YY就點打都得，注定佢無乜運行。
我：「得返一張紙，都唔使再抽，不如開嚟睇下係乜先？」我睇到有啲悶。
絲：「做乜呀？趕住同姐姐我去happy呀？」




喺佢後面嘅奧丁暗笑，睇嚟佢都想睇住自己條女去玩，呢對變態兩公婆吖…
Q’：「我睇落覺得似係妳想玩仔多啲。」
P：「蜜絲姐姐咁正，妳值得左擁右抱嘅。」