我怎可能是女神👸🏻獵人🏹（第一季更新至斷更為止）: 883

其他小朋友應該聽唔明，Helen就反咗一下白眼好似無佢咁好氣，Queenie姐姐就冷笑咗兩聲，恐怕…佢哋平時真係玩得好開心。
Q’：「好啦，都係時候落去玩下水。」Queenie姐姐即場解開粒鈕拉低條拉鏈除咗條白色熱褲劈喺側邊，在場啲男仔對眼就食晒雪糕咁，係差在未留鼻血，我呢啲久經訓練嘅都實在係…
Y：「慢慢昅，昅多啲，我無諗住益你。」
做乜啫，波都揸埋啦，重有乜益唔益。
Q’：「嚟啦，攬實我，我相信你。」
G：「嗯，妳都要扣返緊我，唔係嘅話好易撞親。」
只見佢哋喺船邊互相攬實對方，又真係幾好feel，一齊數三二一彈起，兩個人合二為一直接插落水底，隔咗成三秒先上返嚟，我諗Gabriel喺水底一定有啲舉動，例如深情一吻兼非禮佢pat pat。
「Charles哥哥，你唔係諗住重企喺度呀？」
C：「吓吓…我唔係負責呢個department㗎喎。」
Y：「喂，你女朋友都跳完啦，你係咪男人嚟㗎？」




C：「咁…起碼等我落去攞返個沒（未）鏡先吖。」
A：「低B，兩層樓跳落去乜都甩啦。」佢好似專登講得特別恐怖咁，唔嚇死佢唔安樂。
「真係呀！Queenie姐姐個Bra鬆咗！」
「嘩！係呀！飄咗上Gabriel個膊頭度！」
H：「你你你你你！唔準望呀！非禮勿視…」
然後YY對住我露出惡魔微笑，唔望囉，好叻咩。
又唔係屋企個Queenie，差咗成兩個cup我先唔稀罕呀，而且有咁大份男朋友擋住。
P：「快啲同我跳落去呀！如果唔係唔好掂我！」
C：「係…係…呀呀呀！噗。」低B。
本來諗住我唔會走得甩，點知無人攪我。




「唔知落水嗰一下痛唔痛嘅呢？」
H：「唔準呀！你媽咪話唔俾你玩危險嘢㗎！」
妳咪Helen媽咪嚟囉，我都想抱住扭計。
H：「我叫船長set瀡滑梯，一陣先上嚟玩啦。」
之後船長抬咗一大嚿嘢上嚟慢慢充氣，我哋就落返去等先，跳咗落去嗰幾個都上返嚟。
A：「好！趁有啲時間我哋又嚟玩下game先！」
唔知點解我覺得團長會興奮就唔方係好嘢。
A：「我哋就嚟第一屆競猜誰是最好男朋友選舉啦！」乜叉…即係競猜定選舉？
「好嘢！」班小毒撚見有花生食就開心到傻。
唔好咁搞得唔得？我同YY係假扮㗎咋…




丁：「有乜好選，分明我就係完美嘅男朋友。」
絲：「無錯，就係完全包尾嘅男朋友。」
A：「你哋稍安勿躁，重點係睇佢哋點估。嗱，你哋估下個排序，然後將個答案message我，邊個估中就有奬！」
「咁奬品係乜呀？團長。」
A：「係…我珍藏嘅樂譜一大疊。」
隨即一隻烏鴉飛過，全場靜晒可以聽到海浪聲。