Y:「我知…就咁覆佢一個嗯字?」
我:「又唔係幾好,妳驚唔驚佢已讀返妳?」
Y:「最好唔好啦,雖然我可以再講嘢。」
我:「就…嗯,你睇到㗎,識搵返我喇咩?咁樣。」
Y:「怕唔怕串得滯?佢會唔會唔高興㗎?」
我:「妳係佢條女,串佢係應份嘅,都冷戰咗咁耐重擔心呢啲,反而反問下佢可以等佢易啲落台。」
等咗一分鐘到,佢就將我講嘅嘢打咗過去。
『妳發緊小姐脾氣我又點搵妳呀?』
我:「講得幾啱,我係仔都唔想對住個發脾四嘅麻煩女仔。」溝又溝完,食又食完,係咁嘅服務質素…
Y:「咁我點覆佢好?」


我:「唔得閒發你脾氣,我專心讀書,你再唔搵我就嚟唔記得咗你。」
『唔好咁啦,考完試咪嚟搵返妳囉,同邊個去船P呀?』
我:「識驚喇咩?同管弦樂團啲人咋嘛。」
『係?有男仔嘅?』
我:「好心,我哋唔係女子十二樂坊…」
『明嘅…但你著到咁樣,我會擔心妳㗎嘛。』
我:「係?係咪擔心我唔夠其他女仔搶鏡?」
『點會喎,妳咁靚,幅相邊個影㗎,男仔嚟?』
我:「唔係,姐妹偷拍,我覺得幾靚。」
『我女朋友梗係靚,但咁樣放上IG怕唔怕俾人睇蝕?』


我:「定係你唔捨得我俾其他人睇到咋?」
『我係擔心妳,妳IG咁多follower,實有啲奇怪人。』
我:「有都唔會理囉,啱啱放出嚟收返好怪,我半夜先private返啦。」
『好…妳嚟緊幾日得唔得閒呀?』
我:「我重同姐妹girl talk緊,夜啲再搵你。」
『OK,咁我等埋妳先瞓覺。』
太好,簡單幾句就收佢皮先,唔好煩鬼住晒。
Y:「哈哈,你個好姐妹講大話都唔眨眼嘅!」
我:「呢啲係善意嘅謊言,定係妳想同佢講今日拖住第二個男朋友玩足全日重嘴嘴咗好多嘢?」
Y:「多謝好姐妹!」佢好用力咁嘴咗埋嚟。


雖然無Queenie姐姐嘅咁爆,但都已經好過份,啜住我嘅嘴唇吮下吮下咁,十足十我唔起機都唔安樂嗰隻。
我:「妳咁樣…會唔會覺得自己背叛緊男朋友。」
Y:「點會呀,我又唔係鍾意你,佢睇唔到咪得。」
明知係假,係俾佢玩,但我聽到竟然泛起一絲絲嘅失落。
我:「我都明嘅…妳又點會鍾意我呢啲男仔吖。」
或者我有啲enjoy做敗家仔同公主相處嘅短暫一刻。
Y:「哈,你呢啲男仔,咁做乜你又對QQ咁多幻想?」
已有 0 人追稿