我怎可能是女神👸🏻獵人🏹（第一季更新至斷更為止）: 910

Y：「你話吖，呢啲咁嘅PK屋邨仔，平平無奇仙都唔仙下，部電話污糟邋遢，咪又係個鹹濕仔嚟。」佢一路講一路㧻個電話mon，我就係咁中箭。
Y：「唔知邊個上年一放學就走去人哋學校接姐姐放學，著住校服攬埋一嚿，然後就變咗接個靚妹，重要傳到成間學校都話佢衰十一，你信唔信佢係好男仔？信唔信佢專一？信唔信佢一定認真唔係呃蝦條？我就唔係幾信。」
都唔使咁…清楚我嘅過去嚟做乜…
我：「對唔住囉…已經過咗去…」
Y：「吓，有口話人無口話自己，行狗屎運天降女神畀你咪又起晒痰，真係以為近水樓台先得月呀？隨時係鏡花水月嚟㗎咋，唔通日日為佢做到隻狗咁真女神就會睇得上你，係咪咁呀？」
我：「無囉…我真心對佢，唔係為咗回報，亦唔係因為佢個樣，而係相處落認為佢係值得交心嘅朋友。」
Y：「好笑，唔係因為QQ靚女？咁你點解唔同韻婷開始呀？係咪見識過真女神之後食唔落屋邨妹喇？」
我：「夠喇！妳點話我都得，唔好詆毀其他女仔，佢哋都係我嘅朋友嚟㗎！」我堅火火地。
Y：「哦，如果唔係因為QQ喺身邊，你會放過韻婷？難得人哋睇落對你有啲意思，你會唔flirt到佢濕晒，然後食埋人哋隻豬先再算？我有無講錯，你係為咗QQ先扮到修心養性。」我彷彿變咗隻死貓俾佢秤住條尾。
佢嘅中文oral我當然見識過，絕對同QQ同一個級數，就算我對住女仔可以點樣健談亂吹都好，一去到真鬥嘴我係點都唔夠佢哋嚟，成個場俾佢哋控晒。




我：「我…我…唔係扮…只係，我覺得而家咁樣…幾好。」
Y：「係呀，我唔知你同佢玩咗幾耐，但試諗下，一年係咁，幾年又係咁，到時佢升上三大，你唔知去咗邊，佢識自己搵錢住hall，重得唔得閒理你呢個傻仔？」
我：「如果…佢想咁…最重要佢過得開心。」
Y：「讕清高，忍多排你就頂唔順㗎喇，又或者到你無晒希望嘅時候，咪又變返個亂咁溝女嘅仆街仔。」
我：「先唔會呀！」
Y：「係呀？QQ有個好穩定嘅男朋友，佢哋次次扑緊嘢嘅時候，你喺度做緊乜？喺屋企煮定飯好似座望夫石咁等佢返嚟，諗住佢點同條仔做愛一邊打飛機？」
我：「…。」…。
Y：「係咪以為乖乖地就終有一日可以等到佢分手？有無諗過人哋理都理瘟神呢啲男仔先？你可以keep住單身等佢分幾多次手，覺唔覺得自己好戇居？」
我：「夠喇！我點都好，我自願！QQ無對我唔住！」
Y：「你以為你係聖人，係隻唔食魚嘅貓？」




我：「無咪無囉，我一樣可以過得好地地。」
Y：「不如同我做愛，好唔好？」