真係無諗過,原來認真扮完情侶,係要認真分手。
我:「好…呢啲嘢,就梗係由女朋友話事㗎啦。」
Y:「當然啦,分咗手就唔好掂我喇,返屋企打我飛機啦,咁想揸我波就慢慢等下次先。」
我:「吓…下次?」我個頭殼頂完全一堆問號。
Y:「哈哈,唔使做人女朋友,你又變返我隻玩具。」
佢伸咗個懶腰,坐返喺我隔籬,然後用手係咁搣我塊面。
我:「喂喂…咪大力…妳咪又繼續係人哋女朋友。」
Y:「嗱,平時唔好再貪得意講愛我喇。」
我:「放心啦…呢三隻字又點會咁隨便同女仔講。」
Y:「除非…你真係愛我啦,我又唔介意嘅,不過…唔好諗住我會受喎,呵呵。」佢一副整鬼我咁嘅樣。


我:「Yvonne,我唔係話抗拒…但係妳究竟想我點?」
Y:「有無咁蠢豬呀,日日對住女神你都唔明?」
我:「咪玩啦,明我就唔使咁煩!」例如我知道QQ點都唔會揀我嘅話,就可以唔使咁死心塌地,盡返好朋友嘅基本責任照顧佢就得,或者可以諗下同其他女仔發展。
當然我唔想呢個係答案,又假如呢個係而家嘅答案嘅話,喺我知道答案之前係咪可以扭轉佢。
Y:「試探女神,通常唔會有好結果㗎喎。」
我:「對住妳,我一早就無諗過會有好結果…妳貪玩,調戲我,我明,妳可能會過癮,妳叫我扮妳男朋友同其他人social,係有實質用途滿足到妳嘅需要,我都希望幫到妳,但夜晚妳要我繼續陪妳,係想…妳應該唔會剩係因為悶得滯呀?」
Y:「不如用下你個豬腦諗下係乜原因?」
我:「妳…唔會係想我鍾意妳呀?」我有諗過問佢其實係咪鍾意我,但又實在太大言不慚,異想天開。
Y:「使唔使呀,咁其實你鍾唔鍾意我係你嘅自由,我可以控制到你嘅行為,未變態到會控制埋你嘅思想。」
我:「我鍾意妳嘅話…妳會開心?唔會覺得我討厭咩?定係…只係想玩我同笑我。」


Y:「欸,我無話自己係,但作為一個成功嘅女神,係唔會因為有男仔鍾意自己而反感嘅,至少你都未算係毒腐宅肥矮柒黑油臭,而諒你都唔敢纏擾住我嘅,某程度上重好過啲話鍾意我俾我拒絕完就反面消失嘅廢J。」
我:「你係講Charles?」
Y:「唔止嘅,佢都未係最差,睇住佢唔抵得個樣都幾過癮,而且我知佢重係放唔低我,公主係有樣,但呢啲小妹妹邊有咁易畀到感覺佢。」
我:「哦,咁你係想我點…」
Y:「咁想知道我諗乜,唔拍我講完報復咩?」
我:「唔怕,出得嚟行,預咗要還,乜都唔知先係最恐怖。」只要知道更多,或者我就可以反制…
Y:「好簡單,你今日咪係PTBF嚟囉。」
我:「吓…我唔明,女神都要搵PTBF?」
已有 0 人追稿