我怎可能是女神👸🏻獵人🏹（第一季更新至斷更為止）: 979

：「食啦，但妳啱啱先食完咁多嘢重食得落。」
Q：「點同，我想試下人哋對你嘅心意嘛。」
我：「其實人哋一次過焗一大堆，同賣嗰啲一樣咋嘛，只係佢揀咗啲無咁靚仔嘅出嚟畀我。」
Q：「呢啲咪就係心意嚟囉，難得你咁受女仔歡迎。」
我：「論受歡迎嘅話，我點都比唔上妳吖。」
Q：「點會，我嗰啲係博大霧，或者嚟抽奬，算吧啦，而韻婷係誠心誠意同你表白，邊有得咁比。」
我覺得，瘟神都唔係好算博大霧吖，始終佢做咗好多嘢。
Q：「講真，韻婷焗嘅曲奇都幾好味…」
我：「妳哋home e堂個個都係咁焗㗎啦，有乜分別？」
Q：「呵！你太睇少我喇，我可以焗到一邊燶，但另一邊就係糊仔，如果唔係Yvonne我連功課都無得交。」




我：「我好想試下咁出類拔萃嘅作品，就中間幾塊…」
Q：「無呀！以後無home e！你放完工快啲去沖涼先啦！」佢一路食餅然後趕咗我入去廁所。
※※※※※
我…我到底講咗啲乜？！
B：「喂！你講乜鬼嘢呀？！」師姐瞪大隻眼望實我。
我：「Sorry，係我亂噏，我不知所謂，bye bye！」
點都好…叫做完成咗個任務，對唔住師姐…
我唔明，實在係諗唔通，點解阿爽可以同女仔講啲咁嘅嘢；而家嘅我只想快啲消失，搵個窿瓹入去。
B：「喂！你走去邊呀！」師姐衝前幾步，捉實我手腕…
我：「返屋企囉…妳都到咗喇…」




B：「你乜嘢態度呀！講啲咁嘅嘢就想走咗去？！」
死喇…死喇…死人爽話乜事都無，但而家社長擺到明俾我激到好嬲，如果佢唱出去，我喺學校重點生存落去…
我：「對唔住社長，係我講錯嘢，妳原諒我啦…」
B：「明知錯你又講！你唔好走呀，跟我過嚟，我睇你點解釋。」師姐扯住我行，今次死火…
點解…波又射失咗，又激嬲埋社長，唉，無喇無喇。
Kuromi…妳可唔可以教我點做？但妳應該會笑死我。
Bubble捉咗我去屋邨後面嘅花園，呢度一個人都無…
B：「請你再講多次你啱啱講過嘅說話。」
我：「唔…唔好啦，社長…」
B：「做乜呀，唔敢講呀？你以為我聽唔到呀？」




我：「唔係…對唔住，我知錯。」
B：「咁係咪如果我無波你就唔幫我打比賽呀？」
我：「唔係嘅…雖然我認幫妳…係有啲關係…對唔住，係我不知所謂諗埋啲衰嘢…我應該專心踢波嘅，今日嘅失準係我錯，攪到我哋社攞唔到冠軍。」
B：「係囉，十二碼都可以射唔入，重敢想揸我對波？」
我：「唔敢，係我錯，我係罪人，放過我啦。」
唔好迫我啦，我真係無樣嘢做得好，俾我一個人得嘛…