我怎可能是女神👸🏻獵人🏹（第一季更新至斷更為止）: 991

蚊：「吓？大波都唔要？唔通你食錯藥？」佢擘到隻眼大一大表示吃驚，好似見到狗公咁望我。
我：「唔關事…唔係因為外表呢啲膚淺嘅原因。」
蚊：「唔通你係唔鍾意大波妹嘅？」佢完全無聽我解釋。
我：「點會喎，剩係Carmen都夠晒大啦…」
蚊：「啊！一定係Carmen師姐hurt得你太深，搞到你以後都唔鍾意大波妹！」乜邏輯嚟…但講真hurt得我最深…
Q：「原來係咁，唔怪之得佢掂都唔掂我，先咁安全。」
蚊：「哼！你唔好指擬掂我呀，我終於明你以前點解我咁平都玩得咁開心。」呢個…純粹因為係我太變態。
我連AV女優冬愛都睇得落咯，女體呢啲嘢各有特色嘅啫…
Q：「唔好討論個鹹濕仔先，呀爽，你聽日放假，不如就陪細蚊買下衫好唔好？」
我：「之但係，其實我聽日都要返工㗎喎。」




Q：「玩嘢呀？！你返幾點呀？成個朝早晏晝廢㗎？」
講真都係，以前暑假就係瞓到一點，婆婆煮飯我食，晏晝或者睇下卡通，唔睇就直接遊街，玩到七八點又返嚟食飯，食完就打機，中學之後直頭又落返樓下打波。
我：「咁去買衫囉，無問題呀。」
蚊：「但係我唔想嘥咁多錢喎。」我明佢難言之隱。
Q：「唔會呀，呢條友出，佢而家識搵錢。」
蚊：「吓…會唔會攪到你哋無錢開飯㗎…」
Q：「唔會呀，暫時都有盈餘。」佢一副成功財政嘅樣…
蚊：「不過我點好意思喎，無端端…」
Q：「唔使唔好意思，妳諗下以前呢條友點對妳？」
精桶、私廁、肉便器、手天使、食精機…我講唔出喇。




蚊：「咁多謝定你先，交叉仔。」
Q：「放心啦，我會幫你哋安排，唔會使好多錢，細蚊妳有無話想要一個點嘅look？」QQ行街專家上身咁。
蚊：「普普通通就可以，我唔想太過突出…同埋，太過女仔同太grant嘅我都handle唔到，大概係咁。」
Q：「嗯，咁都好簡單，你哋聽日跟我set嘅路線就得。」
我：「辛苦晒妳，呢啲嘢我真係完全唔識。」
Q：「好，第二件事，妳重考嗰度諗住點？」
蚊：「咪而家開始溫囉，溫到幾多得幾多，都無計…」
我：「有無考慮搵妳師姐幫下妳，佢都讀到下書。」
蚊：「唔使喇，佢啱啱同同學去咗台灣grad trip，要下下個禮拜先返嚟。」真係好嘢，屋邨妹都儲到錢去兩個禮拜台灣，睇嚟我要更加努力。
Q：「細蚊，唔好煩喇，就等我幫妳補習啦。」




蚊：「咁樣怕唔怕，阻住妳啲時間好似唔係幾好…」
Q：「有乜所謂，呀爽朋友即係我朋友，點可以唔幫。」
估唔到，QQ竟然為咗佢咁熱心。