【代糖故系列】《她被寄宿到屋邨男孩的家中》: K19

加更tune字數…

Q：「我驚…你好朋友見到我著泳衣，太過刺激忍唔住，夢…遺落在泳池裡，整污糟人哋啲水就唔係太好。」
呢個放肆嘅女神，好似唔玩死我哋兩個都唔安樂咁。
然而，我個好朋友真係成塊面都紅晒，企喺度郁都唔敢郁，好似再諗多幾諗就會搭帳蓬咁。
Q：「哎吔，唔通真係比我講中咗？」佢抱住自己身體扮驚，其實我知佢心裡面一定會因為有人迷戀自己而開心。
如果唔係又點會次次望到我扯旗都喺度奸笑而唔係厭惡。
我：「唔使驚佢，得把口㗎咋，唔會咬人。」
健：「咁你隻手…又點解會…」
Q：「佢得罪咁多女，通街都有女咬佢㗎啦，使乜我。」




我：「點都好…我哋兩個真係游水，夜晚會返嚟煮飯。」
Q：「唔玩喇，呢個鐘數我無可能游到水，同埋你唔記得咗細蚊一陣嚟溫書咩，我點可以走咗去玩。」
我：「係喎…咁個傻妹就交畀妳，我換衫先。」
入到廁所，仍然聽到佢兩個喺出面講乜。
Q：「做乜無端端約游水嘅？想去昅女？」
健：「唔係呀…見放暑假，咪去做下運動囉。」
Q：「想曬黑啲，型仔啲然後去溝女？」QQ一下識穿。
健：「如果有咁易就好咯，女神唔好玩我啦。」
Q：「唔係吖，你前兩日踢波幾好表現呀，我見有啲女同學都會留意你。」
我：「係呀，條友話要參加足球校隊添呀，妳考慮下幫佢form個啦啦隊，等佢識到女仔啦。」




健：「喂！死人爽咪亂噏。」
Q：「無問題喎，好多男仔都係咁㗎啦，記住好好操練同表現，有實力就會有女留意，唔好…好似呢條友咁越嚟越懶散，你睇下佢個肚仔又白又脹！重好意思話我食窮佢，點知佢重多咗肉，點解嘅呢？」佢毫不留情拉開我件衫，極盡所能去評擊同侮辱我個肚仔，重要摸摸。
我：「因為啱啱食完兩碟麪咋！喂…」
自從QQ嚟咗，我出去玩少咗，坐喺度溫書做功課又無乜消耗；返工有免費白飯搦，自己煮實係炒埋一大鑊，邊似得以前踎喺公園食叮叮飯或者杯麪咁少…加上無女仔同我做雙人運動，唔通要我晚晚陪QQ做sit up咩。