【代糖故系列】《她被寄宿到屋邨男孩的家中》: K24

健：「係你先可以handle到咁多女仔…」
我：「關我乜事，細蚊係我朋友，Queenie都係我朋友，既然Queenie話肯幫下佢，我實退位讓賢㗎。」
健：「有得同女神溫書真係開心。」
我：「你short上腦咩，細蚊女嚟㗎，有乜咁開心。」
健：「我指女神讀書咁叻，有佢教實好幸福啫。」
我：「你都唔差吖，使唔使上嚟一齊教細蚊感受下？」
健：「唔好啦…對住咁多女人我會驚。」
我：「你鍾意啦，我已經就嚟對到無感覺。」
健：「係呢，Queenie佢今年考第幾呀？」
我：「佢無講噃，我亦都無問佢…太遙遠喇。」




健：「純粹八卦下啫，唔知換咗環境會唔會退步呢？」
係喎，我都無諗過呢個問題，明明我就咁關心佢…但就算學習環境差咗我又有乜可以幫到佢呢？而佢就真係幫咗我好多，而家重要幫埋我EX…咁好嘅女仔去邊搵？
三扒兩撥食晒碟飯，然後我哋就各自返歸。
我：「Queenie，細蚊，我返嚟喇。」
蚊：「嘩，你去咗皇后像廣場嚟呀？」
我：「唔係，我去咗星期日最多菲律賓人嘅地方…」
本來嗰日去船P已經打咗個底，嚟到今日就更加黑。
Q：「咪話囉，我有乜可能中午同佢哋游水，我先唔想做賓妹呀。」乜喎，人哋阿緹蜜絲不知正得幾交關。
我：「講下啫，我又點會要妳去游水呢…細蚊溫書溫成點呀，有信心合格未？」
Q：「有進度嘅，不過一日學到幾多嘢喎，我想抖一抖先，叉仔你接手啦。」講完就上床休息。




其實我都想攤床，不過又無理由剩低細蚊一個唔理佢。
蚊：「我都要抖下呀，女神佢實在係太嚴格。」
我：「係呀…佢平時就係咁，妳唔鍾意溫書會唔會覺得好辛苦？」
蚊：「又無乜嘢，可能因為係靚女教我。」
我：「吓…妳唔會…因為俾男人傷透咗心鍾意女仔呀？」
蚊：「無，不過靚到Queenie咁又真係可以考慮下。」
我：「咁如果係妳師姐呢？」
蚊：「唔得囉，而且佢教我做功課嗰陣會好惡，我有啲驚佢…不過我就揸過佢對波，嘻嘻。」
我：「妳點解會揸佢對波？佢唔係撩妳玩呀…」
蚊：「唔係呀，咁我無吖嘛，咪想摸下大嘅會係點囉，同埋想感受下你同佢玩嗰陣係乜嘢心情。」




我：「嗯…算啦，唔好再講呢啲，又係呢版，望到就想死。」我決定轉移話題，以免增加出事機會。
蚊：「但係如果我唔背晒佢就好難合格…」
係咪已經估到係乜呢？就係『升腥生』…