【代糖故系列】《她被寄宿到屋邨男孩的家中》: K31

QQ，其實我可唔可以要求妳畀個身體我欣賞下先？喺我有機會同勇氣追妳之前…我哋而家都咁啦，係咪？妳會願意幫好朋友出得舒服啲㗎可？我都可以幫返妳㗎。但其實…佢又已經畀咗好多嘢我；諗落咁樣發展落去都只會演變成炮友呢個結局，但係咪真係做完就唔可以談戀愛呢？明明如果我接受咗Wendy，聽日我就可以好好戀愛…但唔係全心全意鍾意佢嘅話，就會變成只係一場有限期嘅愛情遊戲，咁同YY消遣我嘅溫柔有乜分別，但我又真係差唔多變成自願服侍YY同俾佢玩弄…
韻婷應該會喊死同想殺咗我？算，唔諗！溫下書先。
真係黐線，啱啱放暑假我攞咗本中四數學書嚟睇，再咁落去就連香港都可以落雪。
健：『不如就近近地行獅子山？』
我：『嗰嚿石頭？唔係懸崖嚟嘅咩…』
健：『無人叫你打直行過去，打橫行就得，我睇過youtube片見到唔係太難。』唔知點解我望到段中文，睇成打直行上去，打橫抬返落嚟，唔通我中文喺QQ薰陶底下進步神速，未竟全功？
我：『你話得咪得，我以前都通山跑㗎啦。』
健：『上山個位喺黃大仙，聽日晏晝一齊搭車過去？』
我：『你咁想做運動，唔係應該行埋去黃大仙咩？』
健：『咁又唔使，好悶㗎嘛。』




你都知悶嘅咩？以前我都因為好悶，試過用腳可以喺九龍行到邊，結果我東至觀塘，南至尖沙咀，西至美孚…其實九龍都唔係好大啫，不過我諗我唔會再行第二次。聽日行獅子山，咁應該就同過獅子山隧道一樣可以去到沙田？咁又幾好玩喎。
我：『要行幾耐㗎，大佬？』
健：『網上資料話普通人就三到四個鐘行完落返山。』
我：『咁你差唔多出門口到時再打畀我啦。』
本來有諗過話定佢知QQ會嚟，但都係唔好，我想嚇鬼佢，得閒整蠱下佢其實幾好玩，佢應該唔會因為QQ嚟埋而唔高興？佢以前咁鍾意Kuromi…
從不喜歡孤單一個！偏偏今晚返工孤獨一個！
唉…好掛住Angel姐姐，返工有女同事其實真係好重要，我所指嘅女同事當然就唔係指嗰啲有譚仔口音嘅傳菜姐姐啦…不過暑假好似多咗啲大學生咁嘅青年嚟食晚飯，有啲仔重要帶條女出嚟show quali，加埋夏天嘅關係有時衣著幾暴露下，當我每次埋去放低啤酒又或者加水，間唔中隻眼就係我最幸福嘅時候；妖，衰鬼，離罩嘅！
但返工又唔可以昅得太張揚，我唔想俾人投訴。