【代糖故系列】《她被寄宿到屋邨男孩的家中》: K46

我：「費事妳覺得我太黐線，都係唔係幾好。」
Q：「識咗你咁耐重怕乜喎，我想睇你表演呀。」
我：「吓，真係㗎？」我開始懷疑QQ其實都有啲變態…
Q：「嗯，我喺你後面咪得囉，唔得閒睇你隻雞雞。」
其實…上次佢都睇到啲啦，我又無乜嘢嘅。
我：「好啦，咁多樖樹，飲水喇！」我左右來回咁掃，加上頭先俾QQ刺激完出射角有啲高，丹田一用力實在澎湃到…呢啲畫面就唔描述喇，自己想像下啦。
最緊要快狠準，如果唔係尿分叉實俾QQ恥笑都似，女仔咩…曾經，大卡車輸咗打賭，俾我上下上下噴泉咁，重要擘大口掰開自己私處，完事後個衰姐即刻攬實我嚟惜…
唔使廿一秒，我爆seed咁加大射壓大約十四秒衝線。
Q：「哈哈哈，低B，好似真係幾好玩，唔知女仔嘅話…」
我：「妳參考下啲AV囉，都唔係唔得嘅…」




Q：「唔制呀！俾你知道我咁黐線，我重有剩嘅？」
講真吖，妳喺我心目中已經係一個好極端特別嘅女仔…
我：「對唔住呀，啲水就飲晒無得洗手，妳唔介意？」
Q：「咁我都無洗手啦，你又會唔會介意吖？」
我：「點會呢，女仔嗰啲係聖水嚟，香噴噴㗎。」
Q：「靚女你先咁講啫，係咪吖！？」
我：「唔好拆穿我啦…後生女…正常樣都可以嘅…」
Q：「咁你都係後生仔，正常樣，咁OK啦，唔介意。」
佢雙手同我十指緊扣，哄埋嚟嘴咗我一啖。做乜QQ今日特別主動嘅？其實好想問佢有無啲鍾意我，但係呢啲嘢一但拆穿，就會無彎轉…
就算佢鍾意我，又唔代表佢唔鍾意佢條仔。




我：「其實…點解…所有生物去殊殊都係廿一秒嘅？」
Q：「咁係因為…人嘅靈魂係有廿一gram。」
我：「即係每秒一gram，定每gram一秒？」
Q：「一樣啦，都係類似，或者你問下年physics先生。」
可能黐多咗我，QQ都學識咗呢啲九唔搭八嘅對話。
突然間我哋feel到有啲聲，即刻鬆返開兩隻手。
健：「呼，繼續行啦。」佢扮到無嘢咁。
我：「喂，超時喎，唔止廿一秒嘅？」
健：「要搵位㗎嘛，唔好整污糟啲有人行嘅地方。」呢條友假到吖，十足十驚打飛機會俾女仔歧視啲friend。
我：「咁你有無直墮飛河三千丈呀？」




健：「妖！呢世都唔話你知呀，喺度咒我飛落山咁。」
Q：「係飛流直下三千尺呀！講極都錯嘅！」
之後我哋繼續行山，好快嚟到下一個分岔位，九龍坳。
我：「呢度…左定右呀？」又有個亭，天就黑曬。
健：「本來係諗住轉右去大圍嘅，但嗰邊條路長啲，同埋好多樹…留返下次先再行過去啦，左邊落天馬苑。」