【代糖故系列】《她被寄宿到屋邨男孩的家中》: K67

我：「我昅妳…係出於我對妳嘅基本尊重，但妳望返過嚟…唔通姐姐妳覺得我好型仔？」
「你信唔信我而家除咗你條褲掟上去舞雷公咁遠？」
我：「妳係咪以為一件頭我就除唔到妳？我係會還擊嘅，睇下邊個犀利啲…」點知我見到遠處嘅細蚊喺女更門口行出嚟，跳跳扎咁…
我：「姐姐Sorry，係我曳，我抵鬧，今日約咗人，有緣再見啦。」為咗避免麻煩我頭也不回咁走咗。
不如我搵日自己嚟游睇下會唔會撞到佢？呢隻姐姐好似幾好玩，玩下應該OK掛，QQ唔會鬧我嘅…
佢兩個出到嚟，細蚊套平平無奇頭先已經睇過，而QQ呢…係一套非標準比堅尼，薰衣草紫做主色，綑邊係白色，下身簡單啲係一塊綁帶嘅布，唔算太高叉同幼都包到幾多肉，畀到人青春活潑嘅感覺；上半身係一件入膊Bra top，側邊露得比較多胳肋底隔籬啲波肉都睇到晒，中間雖然冚住咗而個領位都幾高下，但係除咗波肉位之外，其他地方都係紫白色漸層縷空網紋，只要細心啲睇就會見到成條乳溝喺晒度，而本來個三角布位就係屬於細size嗰啲，但佢對波又有返咁上下size…
妖，唔諗呀！又唔係未睇過！剃毛嗰陣都摸過晒啦！
由於我哋一早知細蚊唔識游水，所以走咗去練習池。
Q：「做乜唔學游水嘅？因為屋企人都唔識？」
蚊：「老竇識，媽咪唔識，老竇話女人唔識游水都無所謂，等細佬大個啲先順便教我喎，不過其實佢邊有咁多時間陪我哋…」




Q：「咁樣邊得㗎，呢個年代重邊有分男女，唔通沉船就所有女人都要等男人救咩？」
我：「係㗎，如果唔係使乜諗救老婆定救老母。」
Q：「係呀？即係你都覺得女人唔使識游水啦！咁你又諗住救老婆定…」佢窒住咗，發覺自己講錯嘢。
其實係我亂噏害佢，而我知道佢喺呢方面對我好好。
我：「我會阻止小朋友玩陀螺救返架船，咁就唔需要救任何人，簡單得多。」
Q：「我唔鬼理你呀！嚟啦，細蚊，等我教妳游水吖。」
然後QQ就喺度教佢扶住池邊踢水…即係自由式隻腳嘅基本動作，如無意外下一step就係迫佢揦住塊浮板踢。
我：「今時今日重用埋啲咁老套嘅方法教㗎…」
Q：「你係咪質疑我呀？」佢不滿咁望住我。
我：「唔敢，妳可以繼續。」