【代糖故系列】《她被寄宿到屋邨男孩的家中》: K98

到我醒返嘅時候，發現QQ喺度直播，傳嚟啲音樂聲。
「豬！ 可愛くてごめん！」欸…Sorry，其實係得音樂聲係無歌詞聲嘅，但只有咁樣先可以話畀大家知佢彈緊乜；炎炎夏日嘅佢著住無Bra帶無飛釘嘅白色高腰背心，我都知咁樣去形容一件衫好奇怪…而下半身就係一條灰色真理褲，QQ身體力行話畀大家知點樣用最低成本最不經意最唔做作嘅方法為觀眾帶嚟最清新性感嘅一面，當然你首先要有佢咁風雨交加嘅身材同玲瓏剔透嘅皮膚。
又，重有個更簡單方法，就係乜都唔著，但唔出得街。
佢重放咗吉百利喺自己雪白嘅大髀上面同觀眾打招呼，彈完一次之後佢又重播返啱啱彈嘅音樂，抱住隻豬仔喺兩團肉彈前面度幫佢跳舞，好似IG上面海量嘅低B妹咁。
可能佢見我醒咗，就同吉百利揮手向觀眾講再見熄cam。
我：「豬！點解你咁可愛㗎，對唔住！」
Q：「喂！咪搣我塊面呀！都唔知有無搲完J嚟！」
我：「無，不過係搲完pat pat嚟。」
Q：「重衰！走呀！唔好掂我！」唔知係邊個幾個鐘前同我講話對咗我咁耐唔會再嫌我啲嘢污糟呢。
我：「唔制，係妳衰，衰太可愛，令人愛不釋手。」




Q：「我唔可愛㗎喎，係吉百利可愛咋嘛。」
我：「無錯，妳只係一個可惡嘅港女，咁我抱走吉百…」
Q：「喂！咪搶走我隻豬呀！畀返嚟…抱我啦…」
你話吖，我可以點逃出佢嘅魔掌喎，喺屋企做佢兵已經係好低成本，起碼佢有求於我無得吊高嚟賣。
我：「全世界都喺IG豬，豬，豬，告men呢，重以為妳唔會添。」
Q：「IG就真係無，佢哋又唔啱呢範，我唔想自己出醜，不過直播啲觀眾就點都要服務下嘅，有錢收吖嘛。」
我：「今日咁早落播嘅？九點幾咋喎。」
Q：「今日無諗住播㗎，純粹同啲fans講我換咗個新keyboard順便玩下玩具咋嘛，見你喺度就唔阻住你啦，等你返咗工或者約咗阿健先專心播。」
我：「無所謂㗎，我只會乖乖喺度睇，唔會影響妳。」
Q：「已經夠死，你望住我會好唔聚財，影響收入。」




我：「我喺屋企睇到妳無飛釘就真係唔聚財嘞。」
Q：「唓，搣甩佢咪得…嗱，畀你玩，聞下有無奶味。」
其實我成日都會諗佢到底當我係乜，然而我絕對唔想當佢只係用嚟俾我釋放性慾嘅工具…雖然，好鬼好攬。
我：「係喇，妳不如形容一下我聽日去交收嗰個究竟係乜人，等我有個心理準備都好吖。」
Q：「吓，你又唔係第一次約人交收，有乜好驚喎，攞個keyboard畀佢，就係咁簡單…呀，你千祈唔好同佢講關於我嘅嘢，最好講到唔識我咁樣。」
我：「我唔…識妳，即係當我FEDEX啫，雖然我係使命必達。」當然我就淨係得佢一個客仔。
Q：「你放心啦，佢唔係小朋友嚟，唔使驚佢遲到。」