【代糖故系列】《她被寄宿到屋邨男孩的家中》: K103

健：「如果有得練我都想練呀…呀…好似真係出多咗。」
頂，條友仔認真㗎喎，但不嬲運動對呢方面都有好處。
我：「笑，畀枝火箭炮你都無用啦，咪又係打J用。」
我成日覺得笑人係應該笑佢無閪用，而唔係無㞗用，因為如果連飛機都無得打同殊殊都無得去實在太可憐。
健：「咁…自己揸住勁啲…都開心啲嘅…望住勁射咁，就好似我無撻Q接到你波然後凌空抽射破網咁爽。」十次入面，七次我傳啱位，五次佢隻腳掂到個波，三次係發到力，最後得返一次係中網…
想十傳十中？廸布尼加全盛時嘅伊巴謙莫域可以考慮下…
我：「其實你重有無打Kuromi飛機？」
健：「無啦…知你對佢有意思，唔同你爭。」
我：「傻啦，你唔打啫，重有千千萬萬嘅人打，分分鐘連啲阿sir都要背住老婆偷偷打。」
健：「兄弟嚟㗎嘛！點會攪你屋企人呢。」




我：「你咁講攪到奇奇怪怪…知唔知呀，我傳個波畀你，可以呢一秒傳，可以下一秒傳，只要個波重喺我隻腳度，但無論邊一秒傳，只要一下失咗就會無咗控球權，所以好多人鍾意扭住波先，直到我知道你可以接到先大腳踢出，但現實上你永遠無辦法知道呢一秒嘅判斷啱唔啱，只知道錯咗無得返轉頭，我唔想做罪人，睇波嘅永遠都覺得傳失波係傳嗰個嘅責任，但其實球場上咁多人未必睇到，只可以靠感覺傳畀以為個隊友喺度嘅位置，但永遠唔會有人怪個隊友點解唔早啲去到接球點…錯咗就返唔到轉頭，我唔要面唔緊要呀，唔想Queenie會有壓力…」
健：「真係咁想踢波就跟我一齊報名校隊啦，唔講喇，我要返屋企食飯，你都要準備返工。」
我：「要抖返一個禮拜呀，我爹地聽日返嚟喇！」
健：「恭喜晒，一家人開開心心，遲啲搵你。」
曾經我有個念頭，如果我媽咪可以返嚟，但就要Queenie永遠消失，我到底會點揀？其實我對媽咪嘅記憶已經好模糊，對我嚟講最深刻嘅存在係佢啲字同message，我發覺到只有精神先可以長存…講真我早就慣咗父母唔喺自己身邊，而且佢哋都無可能成世陪住我。咁QQ呢，就算佢有幾獨一無二，都無話過一定要係佢嘅，溝女嘅嘢大啲彈性可以令自己好過好多，況且我哋本來就唔應該一齊…如果佢無咗我，大致上都唔會有乜問題，加上為咗爹地嘅話我就應該揀媽咪，唔知媽咪係咪會咁諗呢？