【代糖故系列】《她被寄宿到屋邨男孩的家中》: K105*

暫時會繼續更新住先，我積稿都八萬字，封筆都有排貼XD。

爸：「但係我無買餸呀，隻手攞住咁多嘢邊有手搦，不如一齊落去食？」
Q：「其實我都想一齊落去食，但係驚撞到人…或者你哋落去食先啦，買少少嘢返嚟畀我就得。」右女神妳真係左一時右一時，上次落去飲茶妳都敢博啦。
爸：「咁唔係幾好嘅…我落去嗌外賣返嚟一齊食，好唔好？」
我：「一係我而家喺app落自取單吖，今個月有張二百減五十重未用，咁就唔使喺下面等。」
爸：「早講啦，原來你有睇開。」
Q：「你自己落去攞喎，等你爹地抖下啦。」
爸：「咁你哋揀嘢食啦，我隨便就得…有二百減五十咁抵你竟然可以重未用放到月底？」
我：「咁…兩個人幾可食到二百蚊嘢喎。」




爸：「應使得使啦，唔好餓親你個…普通朋友呀。」
我：「吖…我會㗎喇，咁我而家落單準備落去。」
爸：「辛苦晒，咁我去沖涼先，有女仔喺度要乾淨啲…」
做乜喎，又唔係你嘅女仔，係咪借啲意話我污糟？
話咁快，我就做咗外送動物帶咗三盒外賣返嚟。
Q：「點解…我就係鋸扒，你哋就係碟頭飯㗎？」
我：「呢層…因為要啱啱好二百蚊吖嘛，三個碟頭飯改埋紅豆冰都唔夠，與其嗌四個碟頭飯，不如嗌塊扒畀妳…」
Q：「我唔要特別待遇呀，你搞到我唔知點好…」
我：「邊有特別呢…我呢度都有一大塊雞扒，一樣。」
Q：「邊一樣，你個咖哩雞扒腸仔飯根本係平時學生餐嚟咋嘛。」妳未捱過唔知，學生餐點會連上髀肉都畀埋你…




爸：「唔緊要啦，阿仔佢應該知妳鍾意食乜，最緊要大家都食返自己鍾意食嘅嘢。」
我：「係囉，學生餐係我至愛，無咗佢讀唔到書㗎。」
Q：「Uncle，你分啲河粉畀我，我切啲牛扒畀你。」
爸：「吓…我已經食緊…有口水尾㗎喎…」
Q：「哎吔，一家人食飯重講乜口水尾喎。」
QQ…到底妳喺度講緊乜，雖然我都好想妳入侵我哋屋企，都要同我講聲先㗎，到底當我係乜喎…
爸：「嗚，早知當年唔生仔改生女，原來女仔乖咁多。」
你…又喺度感動啲乜？呢啲嘢可以揀？Feel到呢下係仔就外射，係女就中出？射錯咗有無得挖返出嚟…
我：「乜我…好曳咩…」曳咗你都唔知啦。
爸：「咁又唔知，但以前阿婆成日投訴你玩到好夜都唔返屋企食飯。」




我：「咁都係玩啫…喂，唔好打我個學生餐嘅主意，學生餐要完整咁食晒成個先係完美。」
Q：「你無呀！幫我食晒啲炸薯角佢，鬼死咁熱氣…」
爸：「畀佢就啱，女仔唔好食熱氣嘢，要好好保養皮膚，如果唔係出暗瘡男朋友見到就會唔鍾意。」
Q：「哎吔…邊係…」妳個死人女神面紅乜鬼，最好同我出多啲暗瘡俾仔飛，最多我大方啲重口味要咗妳，我唔介意用個嘴幫妳啲暗瘡啜膿吸毒㗎…最多換返其他體液畀…