【代糖故系列】《她被寄宿到屋邨男孩的家中》: K122

我：「夠膽攪我屋企人嘅話，我真係會打死你。」
健：「不如試下喺傳說入面單挑，睇下結果係點。」
我：「虛擬世界留返畀你，聽聞近排出咗幾隻抽卡溝女game，啲圖幾清涼下，應該可以緩解你嘅苦悶生活。」
Q：「咪嘈呀！阻住我開檔，快啲同我死落去執枱！」
呢個女神吖…每次一要做正經嘢，就唔放我在眼內。
開工嗰陣，我有趁空檔時間攞部電話出嚟偷睇，知道佢喺twitch播又認得佢個版面，好容易就搵到佢間房，估唔到第一次播就有成幾十人睇，唔通女仔打機真係馨香啲嘅，定係右下角隻腳仔會香噴噴？我知道就算只係咁嘅畫面都有人J得落，毒撚嘅小宇宙唔係普通人可以理解到，正如有人會唔睇AV走去睇美少女戰士變身畫面嚟J。
如果呢個係一個成就嚟，我都可以去試下嘅，但我諗要餓返幾日先…可惜QQ同任何一個美少女戰士都唔似，反而Uranus唔似天王遙似木野真琴溝火野麗多啲。
講真健仔打得唔錯嘅，亦睇得出佢有指揮QQ去埋伏，可能就算佢自己做打機直播都未嘗不可…可惜我唔可以開聲聽，唔知QQ有無扮Kuromi聲喺度講嘢。其實佢都可以唔使用變聲器吖，諗返起佢嗰陣謴Q傻仔健扮細路女聲已經夠晒惡頂，一定夠聽到班毒撚滲出體液。
臨到十二點放工，我又一路行返屋企一路攞出嚟望，QQ亦啱啱好打埋最後一場同啲觀眾講bye bye。
K：「Kuromi要洗白白覺覺豬喇！多謝大家嘅支持！送咗禮物嗰啲我會去discord加返你哋，我哋下個禮拜再見啦！」知道真相嘅我，不協調感油然而生，毛管戙埋。




我比較鍾意聽到佢爆粗咁叫我躝落去開工，最好用埋佢隻腳仔踢落我度，但麻煩唔好踢小叉叉，佢太大力。
我：「我返嚟喇！」
健：「嗯…啱啱玩完，我都差唔多係時候要走。」
重好意思講玩，你呢啲係叫俾人操弄完。
我：「你又會可以玩到咁夜嘅，無人催你返屋企咩？」
健：「好簡單，咪又係借你嚟過橋。」
我：「唔算借吖，咁你又真係喺我屋企…同個靚女玩緊，實在係兒子生性，…，母倍感安慰。」
Q：「係喇，今日唔該晒你，畀返人工你先，玩咗四個鐘到，呢度係八十蚊。」撇除啲乜嘢靚女，鍾唔鍾意，香香腳仔嘅因素，我覺得落樓下執枱抵屌好多。
健：「係呢…介唔介意講下收咗幾多禮物，會攞得返幾多？」
Q：「嗯，禮物…百零二百到，我諗攞到一半嘅，未係好識計住，第一日唔使食白果算係咁。」




健：「吓，咁點得…我咪攞晒妳啲收入囉。」
Q：「點解唔得，你係嚟幫我手㗎，用咗幾多時間就應該收返幾多，應得嘅，我做直播同做生意差唔多，唔一定賺㗎，你估搞咁多嘢唔使成本咩。」
健：「所以…我更加唔好意思收妳錢。」