【代糖故系列】《她被寄宿到屋邨男孩的家中》: K169

A：「交叉仔！」講真以前係街聽到有女咁嗌我係一件好爽嘅事，奈何QQ喺我隔籬我唯有喜怒不形於色。
我：「Angel姐姐…」我連咁啱呀三隻字都未講到出口，佢就已經撲咗埋嚟抱住我，本來係好開心嘅一件事。
合適嘅身高，good fit嘅身材，四捨五入有B嘅港女波，一頭烏黑亮麗嘅中長髮，香噴噴誘人嘅姐姐味…屌，QQ喺度㗎，妳使唔使咁熱情？雖然佢好似真係咁…
A：「又會咁啱喺度見到你嘅，好掛住你呀！」
咁其實我都好掛住佢嘅，返工又撞唔到佢。
我：「過嚟買嘢啫，間鋪係呢條邨先有。」
A：「係呢，你哋一齊咗未呀？」撞鬼咩，問得咁直接！
我：「吓…做乜咁講，我同佢只係…」
Q：「普通朋友。」
或者我同QQ喺條街度有講有笑太似情侶佢先會咁問…但只限似㗎咋，我又唔知QQ點諗，所以唔敢將自己全部嘅心意話畀佢聽，亦唔想佢有壓力，但求日日對住開開心心。




A：「哦，咁就好…啜卟！啜卟！多謝你呀。」姐姐？！
佢繼續攬到我實一實，連續惜咗我兩邊面！我完全唔知佢想點，係咪當咗自己屋企樓下係蘭桂坊？我係咪可以若無其事咁捉呢兩條女去開房3P？！
我：「多謝我…啲乜…」唔會係單身可以畀佢玩呀？
雖然如果佢而家開口嘅話我都唔知點拒絕，QQ知道咗我同細蚊有玩色色遊戲好似無乜反應，只係換對像嘅話…
A：「多謝你嗰陣時鼓勵我囉，我又做返學生喇！」
我：「妳…讀返書？」
A：「係呀！九月一號同你一齊開學，點呀？係咪覺得我後生咗又可愛咗呢？」我唔知道從何去比較，但如果用一個啤酒妹look同個學生比，點都係後者細路女啲。
我：「都係嘅…最緊要妳覺得開心，讀乜咁呀？」
A：「酒店囉，做開呢行嘛，好好彩呀，人哋後補收咗我。」我諗…佢而家呢個樣係成世人第一次對讀書興奮。
我：「賣啤酒同酒店好似只係得個酒字相同咋喎…」




A：「都係客戶服務啫，而且酒店一樣有酒賣，好多都有酒吧，我唔介意做調酒師妹㗎。」
啤酒就話妹啫，調酒師應該就唔使加個妹字喺後面嘅。
我：「恭喜妳，祝妳成功，咁妳屋企啲生活費…」
A：「都無辦法，攞職津囉，我都會繼續返下兼職嘅，問政府借下錢，睇下有無書簿車船津貼咁。」
我：「辛苦妳，要好好努力。」
A：「係呀，同埋我而家無做啤酒妹喇，真係內部調職走咗去sell CASIO。」
我：「姐姐，妳變咗做caltor妹？！」
A：「唔係喇，計數機邊使sell，係手錶呀！我約咗人，唔講先喇，交叉仔畀心機，拍拖開心啲！Bye！」
我：「都話咗唔係！…bye…」姐姐佢來也怱怱，去也怱怱，講咗幾句就喺我同QQ面前絕塵以去，留低一個白色闊身長T透黑Bra加牛仔露pat肉熱褲嘅背影。