【代糖故系列】《她被寄宿到屋邨男孩的家中》: K187

雯：「想多女嘅話，你唔收我哋錢就即刻多幾個啦！」
A：「呢個…唔係我嘅approach嚟，此風不可長呀。」佢係QQ隔籬講埋啲咁嘅嘢，係咪想話QQ敗壞風氣？
雯：「真麻煩，要影相搵欣姐佢哋咪重好，更加吸引。」
A：「唔同嘅，呢啲嘢各有各好嘅啫，我陣間先處理佢哋。」
雯：「好喇好喇，影完好快啲放我哋走，想點影呀？」
A：「嚟啦，兩姐妹過嚟扮㧻下波先。」
雯：「頂你吖，我唔會擺埋晒啲奇怪動作㗎…」細路女衣著，擺乜都唔會有幾特別，留返畀啲啤牌女王就差唔多…
A：「得㗎喇，咁樣好，姿勢錯晒先夠真呀。」
影完幾張後，Alex又望下側邊，想打壞主意咁…
A：「不如…跳落個波波池度影返兩張？」




雯：「吓…好污糟㗎喎，你估下呢度老細會唔會洗。」
我：「梗係會啦，妳出街食飯啲碗碟都有洗啦。」
Q：「你咁肯定不如跳落去感受下先？」
女神妳大我呀，我先唔怕妳呀，點都唔會恐怖得過啲酒樓阿叔嘔到成張枱布都係酸臭酒精味嘔吐物…於是我縱身一躍打側飛咗落去個波波池，原來幾舒服。
我呢啲被獨留在家嘅兒童，幾可有機會玩呢啲充滿細菌嘅波波池，同埋昅人哋阿媽踎喺度嘅裙底加烏低身嘅乳溝噃，sor…小朋友應該唔會諗埋呢啲衰嘢。但係，我實在制止唔到腦海入面浮現出Q媽帶QQ玩波波池嘅畫面。
我：「嘩！爽呀！應該無洗，我聞到好多女仔喺度打過卡嘅味道呀！」我一邊拋起啲波一邊講。
Q：「你條粉腸論變態真係天下第一，影衰晒我呀！」佢講完就兩個波波車埋嚟我塊面度，係池入面啲膠波。
A：「不如Kuromi妳都落埋去影返幅吖，得唔得呀？」
Q：「又未至於唔得嘅…但係唔好tag我係乜主播，只可以貼喺工會page，同埋…唔可以影到呢條友。」
A：「嗯…無問題吖…」佢當然知道QQ顧忌緊啲乜。




A：「想唔影到佢好簡單啫，搵啲波埋住佢咪得。」佢隨即坐言起行將周圍啲波撥落去我塊面度。
Q：「OK，等我推走佢背脊啲波。」
雯：「掟死佢，你隻怪獸投降啦！」
瑩：「哎吔，細妹妳唔好咁樣攪人哋啦…」
就係咁，我俾佢哋幾個夾手夾腳活埋咗喺波波池入面，後腦已經瞓到落個池底，嗦住唔知幾多手女仔喺度留低嘅氣味，但我對腳仍然掛咗喺池邊條框，重有一隻手伸咗出嚟喺波面求救…唔知會唔會有女仔喺度偷偷DIY呢？定係會有情侶匿喺呢度偷歡，諗諗下…嘔！