【代糖故系列】《她被寄宿到屋邨男孩的家中》: K189

貞：「無聽過喎，你對人哋有興趣呀？唔抵得你個friend？」
我：「咁又唔係，另外…阿Yan佢有無男朋友㗎？」
貞：「據我所知，而家就應該係無嘅…我同佢唔係好熟㗎咋，不過見佢晚晚會同人texting，有時會出去同仔食下飯咁，都係咁啦，乜你個細路咁八掛㗎。」
我：「我只係盡我關心好朋友嘅責任啫。」
貞：「算吧啦你，打機咁廢，無得同你兄弟爭㗎喇。」
竟然會俾一個女仔開口話我打機屎，夠晒傷心欲絕…
我：「點會爭，我係唔會背叛我嘅女神嘅，點似得呢啲二五仔。」
貞：「你？算吧啦，個個男人都係咁講㗎，但到見到個窿嗰陣咪又係唔理三七廿一即刻瓹入去先。」
我：「Janey姐姐妳講嘢都幾直接㗎喎…」
貞：「做乜，個個大學生都差唔多係咁㗎啦，你都唔使扮細路，睇你個款就唔方好嘢。」




我：「咁…妳對小弟弟有無興趣呀？」
貞：「無特別興趣，但亦都唔討厭。」
我：「咁…妳有無男朋友？」
貞：「吖！你問我嚟做乜呀？」
我：「我驚我剩係問阿Yan唔問妳，妳會唔開心吖嘛。」
貞：「你少同我嚟呢套，我有男朋友，你唔使嚟引誘我出軌，你未夠班。」
我：「我何德何能喎，都話我對女神忠心不二。」
貞：「咁就最好，頭先做乜唔做護花使者送人走？」
我：「本來諗住㗎，但佢叫我留喺度幫手睇住呢條茂里…係呢，大學生係咪會喺hall度扑嘢㗎？」
貞：「Why not？不過你就唔好睇埋咁多網文，個個都係作得就作，嚟啦，下鋪陪你玩嘞，如果唔係我驚會俾你煩死。」貞姐姐佢用食指一下彈落我額頭度。




「咦，又嚟內鬨呀？今次不如加啲罰則吖！」
貞：「怕你呀？想點罰呀，唔玩除衫㗎！」啲姐姐真係好嘢，戴完頭盔都重可以咁有氣勢。
其實呢…我知道自己十分鍾意同啲姐姐互flirt，貞姐有啲似大個版加曳版嘅Zilvia，但當然無咁靚啦。
「唔好玩咁大，今次…邊個返泉水就邊個飲一啖！都唔知邊鬼個買咁多，玩到清晒佢為止！」堆仔將一大堆somersby，ice，blue girl搬晒出嚟，攪到張茶几好似平時酒樓啲阿叔張枱咁；而部PS4…一早就俾人攝返入櫃。
打下打下，越飲越多，大家都估到會點，對面欣姐已經坐到越嚟越樣衰，成個頭挨埋落阿健心口度咁滯…我諗除咗Bubble一役之外，今次就係健仔人生之中最接近女人嘅一次嚟，是但啦，兄弟有豔福我都開心嘅，不過真心唔明我為乜要喺度睇住佢，如果一陣佢兩個興起要開房扑嘢嘅話咁我係咪要上埋去打燈做攝影師？
欣：「屌！水皮！做乜會俾你兄弟㨃冧咗㗎？！」