【代糖故系列】《她被寄宿到屋邨男孩的家中》: K216

Y：「我要你喂我。」呢個混賬嘅女人，佢確實教曉咗我無論點女仔都係想俾人惜嘅道理；我將塊燒餅切做大小適中嘅丁方，再繞好啲芝士，夾起喂埋落佢個口度，而且係用我隻筷子。
忽然間我喺度諗，如果QQ一直同佢男朋友相親相愛我又點會有可能，而YY隨時同佢條仔有暗湧，我係咪可以盡地一鋪試下追呢個女仔，或者重會有一啲啲嘅可能性？但係…先唔好講QQ嘅感受會係點，我咁樣做好似好對唔住細蚊，亦都對唔住Wendy，只係為咗可以有舒適嘅生活同埋有個靚女女朋友而同佢一齊…我應該打消呢個念頭。
Y：「唔知，如果我迫你做埋我隻兵QQ會點呢？哈哈…」
我收返我所諗嘅嘢，呢個女人只配俾我剝光豬綁起再瘋狂打pat pat，直至成個屁股紅晒跪喺度求饒叫我喂啲精畀佢食為止。
我：「妳想收兵唔係好難啫，何必攪著我呢？」
Y：「唔同Queenie爭下，佢又點會珍惜你呢，傻仔。」
我：「我覺得咋下，佢喺學校要做到呼風喚雨都唔係無可能，咁我喺學校又有乜可以做到，而喺屋企嗰陣，得我同佢我又唔會反抗佢嘅，所以都係…算吧啦。」
雖然話係嚟食大阪燒，但既然放題有得齋點肉又點會再嗌燒餅咁傻仔喎，所以我嗌咗好多碟豬五花，一口豬，豬頸肉，牛舌，牛板腱，墨魚仔，而再貴嘅一口牛，帶子同蝦呢啲就要高級plan先有提供；我諗YY佢都有睇過差啲乜先決定嘅，而我就已經超級滿足。
我：「妳做乜食食下望住我笑呀…」
Y：「無呀，睇到你食咁多嘢，感覺好開心。」




我：「妳都食多啲啦，喺我面前又唔使顧乜嘢儀態。」
Y：「雖然咁講，但食得太多真係會搞唔掂，你唔好陷害我變肥妹…其實次次我哋幾個食嘢都食唔多，係Uranus會多少少，餐廳老細應該會好開心，所以而家睇到你咁樣就會覺得好抵，你就真係可以唔使顧儀態食埋我嗰份。」
我：「我喺女仔面前不朽就唔會理呢啲嘢。」
Y：「係咩，咁你出嚟見我又要洗頭沖涼？」
我：「因為…今朝實在係過份咗，過唔到自己嗰關。」
Y：「你太裡裶小心女神唔鍾意你呀。」
我：「都無辦法，我同佢住埋喺間豆腐膶入面，重有乜嘢係收得埋，唔通扯旗嘅話要綁住佢咩…」
Y：「咁佢會點，係咪超級鄙視你？」
我：「笑㞗我咁囉，其實大家都大個仔大個女，呢啲唔算得係乜嘢嚟啫…」我真係唔敢講QQ同我啲荒誕嘢佢聽。
Y：「如果有機會可以睇到你哋點生活應該笑餐死。」




最後，我自己一個都食咗十幾碟肉，yeah…啲肉唔差㗎，一定靚過我公司任食甂爐嗰啲先，我當凍肉鋪買一碟肉都要十幾廿蚊咁計就真係有賺；到咗埋單嗰陣我亦都跟返之前嘅約定畀咗五十蚊佢，當係唔使佢出晒。