【代糖故系列】《她被寄宿到屋邨男孩的家中》: K282

我：「個銀包…我未捨得賣呀，見係妳用過。」
Q：「你係咪黐線㗎，我日日成大個人喺度，你走去J我個銀包，食懵咗你咩。」
我：「呢啲嘢又唔會貶值嘅，唔急吖，本來以為妳都搵到幾多錢下，估唔到咁快又差唔多清晒。」
Q：「啊，原來而家有人嫌我大使喇。」
我：「邊係，妳始終都係富家女，係小公主，重係大波妹，咁先襯得返妳啲好朋友㗎嘛，係咪？」諗落佢都幾慘，以前有邊個男仔敢掂到佢一條毛，而家我可以兜底咁托下佢兩邊大波波感受下佢嘅溫香軟嫩。
本來都無乜嘢，俾幽蘭刺激完好想揸晒全部女神波波。
Q：「哈，再講吖嗱，信唔信我賣身去幽蘭屋企？」
我：「呀，無嘢喇，我去淥麪先。」
Q：「分兩次呀，唔好用啲蝦子麪污染我啲拉王！」
呢樣嘢明明就係我教妳，而家重要命令返我轉頭添…




食過拉王都知個湯包係非常濃郁嘅，所以大概畀四份三包佢就夠，剩返四份一淋落去我半邊蝦子麪，另外半邊就加腩汁，同一個價錢我寧願撈三個蝦子麪食飽啲。
而喺食飯中途QQ就望住部電話神不守舍咁。
我：「妳無嘢嘛，浸淋咗啲麪就嘥晒㗎喇。」
Q：「無嘢，煩緊啲無謂嘢啫。」然後佢啜咗一大箸麪。
我：「係關於妳啲姐妹？我見佢哋都好似相處得嚟呀，同埋Yvonne好似已經同思韻冰釋前嫌，妳唔使擔心啦。」
Q：「係，我都估唔到…但我係煩緊其他嘢。」
我：「嗯，講唔講得畀我聽㗎？有無嘢可以幫到妳？」
Q：「無話唔講得嘅，只係唔想你同我一齊煩啫。」
我：「我無所謂嘅，橫掂我平時個腦都空寥寥。」
Q：「嗰日…喺女僕餐廳出完performance，同你一齊喺地鐵返嚟嘅時候，好似俾我條仔個兄弟睇到。」




我：「佢啲兄弟？妳同佢哋熟咩？唔俾認錯人嘅…」
Q：「唔熟㗎，有幾個見過一兩次咁，不過我個樣好認掛，又或者佢攞過我哋拍拖啲相喺兄弟面前曬命。」
我：「咁就算係都無乜特別啫，我哋又無做啲乜。」
Q：「真係無做啲乜咩？我就係煩緊唔記得嗰日同你喺車廂入面做咗啲乜。」
我：「應該無乜呀，至少唔會係攬埋一嚿打晒茄輪咁。」
Q：「係就死得啦，佢知道嘅話應該即刻散得都似。」
我：「咁佢而家點講先？」
Q：「佢咪就咁問我上兩個禮拜係咪喺地鐵入面挨住個男仔瞓覺。」