【代糖故系列】《她被寄宿到屋邨男孩的家中》: K287

有時我會喺度諗，如果我係一個媽咪睇到自己個女出去同男朋友玩完攪到成件衫都係精會有啲乜感受…應該會…開心咪得囉，唔好玩到喊咪得囉，唔好扑到有咗咪得囉，反正QQ媽咪淫到出類拔萃，都唔知佢點教女嘅，好彩QQ學到佢一半都無，如果唔係我哋晚晚對住重得了嘅…
星期日朝早佢又準備好出門口去玩。
我：「咦，你個樣重素過琴日嘅？」
Q：「係呀，幽蘭佢平時無function係唔會化妝，屋企人嘅指引嚟，唔想佢太過起眼。」
我：「哦，咁佢會有啲乜function㗎？」
Q：「音樂表演？溜冰表演？而家應該無跳ballet。」
我：「真係多功能…咁妳平時同佢哋幾個嗰陣又化？」
Q：「最衰都係Yvonne，佢係破壞地球嘅元兇嚟。」
人哋大妳年幾又無妳咁靚女，我都好明白佢心情…
我：「妳哋一陣去邊㗎？識唔識路，唔使保鑣護送㗎？」




Q：「放心啦…人哋真太子女嚟，佢管家會全程接送，一陣重會嚟樓下兜埋我，連車錢都慳返。」
我：「啲車錢去咗佢屋企度啫…乜管家係全天侯七廿四咁服務㗎？啲賓賓星期日都有得返全地球最多菲律賓人嘅地方啦，佢唔使陪屋企人同有自己活動嘅咩？」
Q：「據我所知，管家先生好細個嗰陣就跟佢阿爺打工，佢老婆以前係總公司入面啲秘書嚟，佢有兩個仔都已經出晒嚟做嘢，一個負責管返佢公司嘅車隊，另一個就做啲高層嘅總務同聯絡咁。」
我：「嘩，厲害，原來一個家族可以寄生喺另一個家族裡面，會唔會遲啲可以倒吞返轉頭？」
Q：「唔會啦，佢阿爺好信管家先生嘅，佢服務緊佢屋企嗰陣幽蘭爹地都重讀緊書咋，所以對幽蘭嚟講管家先生係更加似係一個長輩更多於下人，同埋我覺得佢阿爺想請返管家先生啲仔入去做，應該唔係為咗要佢哋做商業決策，而係想佢哋喺運作過程當中一邊監視啲外人高層，留意下公司入面會唔會有污糟嘢，都係做風險管理。」
我：「不如我唔好讀書，問下幽蘭請唔請人算…」
Q：「你唔好咁頹廢得唔得呀？自己可以決定自己做乜㗎嘛，唔好以為乜都有條路鋪晒畀你行就好幸福呀，唔一定開心㗎，幽蘭本身就係好例子嚟。」
我：「我想嘅咩…咁我喺你哋面前都真係幾廢廢地。」
Q：「無眼睇你…不過你咁鍾意玩揸貨櫃車，第時大個考完牌你真係可以去佢公司做，但唔好諗住有任何優惠。」
我：「有人肯請…有間大公司照住都叫贏呀？揸貨櫃車人工都好似唔太低，係咪高過揸巴士？」




Q：「係嘅，揸重型車輛其實都算係半個專業嚟，肯勤力啲做唔揀工時唔放紅日嘅話，加埋班三四萬唔難。」
我：「咁都叫做高過香港月入中位數吖。」成日對住佢同YY，迫於無奈要接觸呢啲咁現實嘅詞語。