【代糖故系列】《她被寄宿到屋邨男孩的家中》: K291

我：「算嘞…既然妳提到我都唔怕同妳講，其實嗰晚當妳走咗之後，我同貞姐佢已經當眾kiss咗。」
Q：「乜話？！你而家先同我講！你係咪當我死㗎？發生咗呢啲事唔係應該要即刻向我稟告嘅咩？」
我：「但係…妳唔係話我哋各自私生活自由，互不干涉，和平共處嘅咩…」難怪台灣寶島終日都提心吊膽…
Q：「啊，唔係嘅，只不過見你發生咗啲咁開心嘅事，如果你可以同我分享喜悅我咪開心埋一份囉，又可以戥你高興喎。」呢個女神左一時右一時都唔知佢想點，好恐怖。
我：「無呀，開學到而家咁多嘢搞連我自己都差唔多唔記得咗件事咁滯，其實嗰晚係大家玩下咋嘛，我一時興起就嘴咗佢一啖，唔係認真嘅。」
Q：「乜係呀？咁男歡女愛呢啲嘢其實又好平常嘅啫，唔使下下咁認真，玩玩下都無傷大雅㗎，咁你諗住幾時同姐姐佢玩到攪埋上床呀？記住要安全喎…」
我：「吓，無諗住，唔會囉，嗰晚返到嚟已經同佢講清楚，呢幾日都無搵過大家，唔會有下文。」
Q：「唓，無聊，重以為你係女…係姐姐都唔會放過。」
口講就無聊，但我睇到佢嘴角喺度暗笑，當我係乜？
我：「邊有唔放過喎，當年Carmen話唔畀我都無夾硬嚟啦，唔好講到我咁禽獸得唔得？」




Q：「咪就係當年傻仔咗而家先更加要把握機會吖嘛，year2嘅大學姐姐喎，聽聞個個都好性開放，喺hall入面超級淫亂，你唔想體驗下咩？」妳個人精係咪睇咗甜故…
我：「呢啲…如果小弟有幸入到U先再體驗都唔遲吖。」
Q：「真係唔後悔？你肯定同貞姐佢無機會？」
我：「世事無絕對嘅，但如果而家亂咁嚟同貞姐攪埋一齊，好似好對唔住Carmen咁…就算真係要計，Angel姐姐對我嚟講都吸引啲，起碼一齊返過幾日工，唔似得貞姐咁淨係玩得嗰一晚咁大把。」
Q：「係囉，Angel重會主動咁啜埋嚟添，哼，你根本就沉迷於自己手上面揸住成大堆女咁。」
我：「無呀，冤枉呀…Angel我連聯絡方法都無搵都搵唔到，Carmen我又唔敢無端端搵佢，至於細蚊…我為佢著想唔想佢唔開心…」未計好狠咁啃咗我檸檬嘅韻婷…
Q：「嘩，真係聖人嚟呀，叻仔！我同你講，有食唔食先罪大惡極呀！」咁女神妳係咪想我生吞活剝埋妳…
我：「妳話點就點啦，我都係罪人嚟㗎喇…」
Q：「要罰呀！就罰你今日無得打我飛機啦。」