【代糖故系列】《她被寄宿到屋邨男孩的家中》: K325

V：「好神奇，明明你嗰日攪緊我，但係都無頭先咁有feel，估唔到淨係聽你講以前啲嘢都會咁。」可唔可以唔好講到我已經破咗妳處咁，我唔想客死異屋住。
我：「其實係㗎，心情、氣氛、環境都係好重要，以前我以為只要有個女仔肯畀你玩就係咁，差別只係在於佢靚唔靚女，身材好唔好，後來經歷多咗，其實最重要嘅嘢，最渴望得到嘅嘢，都唔係可以用眼睇到用手掂到嘅嘢嚟。」
V：「咁你會唔會想抽我水？」佢好平靜望住我。
我：「做乜無端端咁問我？」
V：「因為我想知道男仔平時係諗乜囉。」
我：「我…點解要想抽妳水？」
V：「因為你係男仔囉，我俾你摸過又惜過你，正常你唔係應該會想對我做好多嘢嘅咩？」佢嘅推論可以話係啱嘅，但係佢嘅表達方式實在係好奇怪。
我望住佢個樣應該既超然又淡然，我都唔識形容。
我：「我想做乜都無用㗎，妳係千金小姐嚟，我永遠都配唔上妳，掂到妳對我嚟講就好似整污糟咗件藝術品咁，有啲嘢唔係你嘅就永遠都唔係你，好似妳雪櫃啲雪糕咁，我點會唔鍾意食，但妳個雪櫃永遠都唔會變成我屋企嘅雪櫃，唔通我日日走過嚟食咩，無可能㗎。」
V：「未至於嘅，叫管家接我放學嗰陣運一個嚟…」問題都唔喺度，妳用錢包起我…自己去超市買都得啦。




我：「唔怕同妳講，妳係第一個女仔，我掂完佢身體之後係無諗過要打佢飛機，或者可以直接講成係唔敢打妳飛機，唔係我下面唔識硬…而係個思想根本run唔到。」
V：「真係㗎？」佢攞起咗我隻手放喺佢心口上面。
我：「係…就算妳肯同我玩，做埋愛都好，之後嘅我都只會係空虛。」
V：「好似好慘咁…不過我信你，我見其他男仔望住我個眼神都好似想食咗我咁，但係你就無，雖然我覺得你好鹹濕。」
我：「唔知呀，或者我掂過唔少女仔，所以唔似得佢哋咁掛，呢個世界就係咁矛盾㗎啦，啲雪糕對妳嚟講垂手可得，妳就會興趣缺缺，而如果我食咗啲本來唔屬於自己嘅雪糕，我就會為之後無得食而空虛。」
V：「的確矛盾，但如果Queenie喺度一定會鬧你唔係垂手可得，而係唾手可得。」
我：「好似係喎…應該就係，佢成日都鬧我讀錯寫錯。」
V：「不過你衰呀，你敢打Queenie飛機就唔打我嘅，明明佢就同我一樣咁高貴。」
我：「我想講呢…初初嗰陣我都唔鍾意佢㗎，覺得佢好扮嘢同埋好串，直頭係覺得J佢好犯賤對唔住自己咁。」
V：「你好衰呀，等我話畀佢知先。」




我：「我唔驚，佢個衰妹一早知我啲衰嘢。」