【代糖故系列】《她被寄宿到屋邨男孩的家中》: K330

V：「我唔知你哋啦，然之後個作者成為咗佢第N任情人，本身都過得好地地，但有一日因為作者屋企人要出嫁，對方唔想佢同呢個低下階層女子有任何瓜葛，就用錢買起呢個女仔，要佢放棄呢段感情，喺迫於無奈之下茶花女唯有背叛男主，用最肉酸嘅方法嚟激走佢，所以先會發生我哋篇稿嘅謾罵情節，作者一氣之下就離開咗巴黎，但後來唔捨得舊情人又再次嚟到巴嚟搵佢，點知換嚟嘅就係佢嘅死訊，死因係流連煙花場所兼賣唱積勞成疾而致染上肺病，佢最後得到茶花女本日記，上面寫住除了你的侮辱是你始終愛我的證據外，我似乎覺得，你越是折磨我，等到你知道真相的那一天，我在你眼中就會顯得越加崇高，你話係咪好淒美。」佢一路講隻眼就一路閃閃生輝。
我：「明明作者深愛佢，何必重要折磨佢辛苦大家呢？佢既然都已經搵到新嘅男人，可能可以過得好好。」
V：「愛情係唔理性㗎，而且係自私同埋貪婪，咁先可以反映出人性真實嘅一面，女主應承過作者，喺背叛之後作者極其憤怒係人之常情，而且對佢嚟講個女仔本來就係屬於佢嘅擁有物，一下子失去咗自然就會大發脾氣，而作為女主雖然得到金錢補償，但愛情呢樣嘢係唔可以用利益嚟衡量，其實佢都係喺度折磨緊自己，所以佢角度又點會想個男人一走了之，而佢每俾人鬧一句就切實咁感受到個男人對佢嘅執念，所以有啲時候當個男嘅對女嘅死纏難打，甚至對佢做出一啲好過份嘅行為，係會獲得女方嘅原諒同埋接受，因為佢起碼感受到個男仔對自己嘅執著。」
呢個年代個個都未拍拖先啪啪，交配係交流嘅先決條件，估唔到幽蘭佢重會咁沉迷呢啲老套愛情觀念。我自己何嘗唔係又充滿矛盾，我可以送QQ出門口同男朋友器官接合，因為嗰個係佢正室，我可以睇住佢同啲fans係咁chat，甚至乎擠埋條乳溝出嚟兼走光露底都可以不為所動，因為佢要搵錢照顧自己，但每次我一聽到佢約瘟神就無名火起，我都唔係好知點解。
我：「所以妳就想用呢篇說話練習講稿去感受茶花女嘅愛情？」
V：「嗯，對唔住呀，我好似喺度消費緊你添…你知啦，我永遠都只會係一個富家女，每日過住沉悶而忙碌嘅生活，所以我真係好羨慕其他女仔可以自由自在咁識男仔，經歷愛情所帶嚟嘅喜怒哀樂，喺悲歡離合之中揮灑淚水，但只要回憶返就會感受到當中嘅甜而笑出嚟。」