【代糖故系列】《她被寄宿到屋邨男孩的家中》: K368

見到佢咁嘅樣，我都無心情再打落去，就企起身坐返喺張板凳上面，突然之間咁大輸出就連我自己都散散哋。
我：「乜空手道無教過妳，如果要贏就要一擊必殺嘅咩？我唔扶妳喇，自己起返身啦，等妳開門，我要返屋企…」差啲口快快講咗話要返去煮飯畀QQ食…
而佢就跪喺度揄返條褲，再慢慢企起身走過嚟隔籬坐，見佢啲動作有啲遲緩，應該都傷傷地。
U：「唔通…女仔就點練都只會喺下風…」
我：「關乜事吖，妳正常學功夫又點會教妳同人決鬥，都唔知有乜好打，唔通人哋揸刀揸槍妳又走去同人打呀？既然妳跑得咁快，梗係三七廿一走為上著㗎啦。」
U：「但係我連你都贏唔到…」
我：「想贏我好簡單，一開始就諗住插盲我，踢爆我下面，或者趁我唔知嘅時候喺背面突襲就得，邊有人諗住專登同人正面衝突咁無謂，總之我只會同妳打一次，以後都唔會再發生，亦唔好再叫我同妳實戰。」
U：「哦…咁…你放過我嗱？」
我：「唔好癲啦，對住妳無心情，我重要返屋企做功課。」話就話有得抄，但我唔想咁樣。
U：「係咪…因為我好不知所謂，你覺得我好暴力，好憎我，掂都唔想掂我？」




我：「無講過囉，雖然妳係好暴力…我只係唔會用呢個方法嚟掂一個女仔。」對住兩個EX我都可以話係夾硬嚟，而家同QQ住日日都有呢個機會，只係佢早就喺精神層面制服咗我，那怕機會微乎其微，我只想佢鍾意我。
U：「我諗你一定覺得我好唔吸引…我無Queenie咁可愛，又唔識好似Yvonne咁誘惑男仔，又講唔上係Zilvia嗰種清純，同Vienna比就更加乜都唔係。」真係唔知佢哋幾個平時點溝通，點解佢會覺得YY勾仔好叻？雖然係唔渣嘅…
我：「做乜要咁睇自己，每個人都有佢嘅特色。」
U：「咪就係暴力女囉，連你都唔想掂我。」
我：「如果我唔放過妳，妳諗住我會對妳做啲乜？」
U：「點知你喎，我都…未畀男人掂過，但你哋都係諗埋嗰啲嘢㗎啦。」
我：「哼，我會想妳同我打枕頭大戰，決一死戰嗰隻…」
U：「吓，你啱啱先話過唔會同我再打咋喎，但就算係枕頭大戰我都唔一定會再輸比你㗎。」
我：「唔著衫咁打喎，全裸嗰隻，睇下妳重係咪咁惡？」
U：「你…會想睇到我嘅裸體咩…」




我：「會㗎，睇下妳係會用枕頭遮住自己嘅身體吖，定係一樣咁惡攞住個枕頭衝過嚟打我。」
U：「你可以除我㗎…唔係嫌我屁股又硬又方似石頭咩…」