【代糖故系列】《她被寄宿到屋邨男孩的家中》: K380

我：「唉，如果要揩油…我真係好後悔頭先打贏妳之後無咁做，我應該綁起妳，然後係咁彈妳粒lin，再瘋狂唧妳胳肋底，等妳不要不要咁嗌唔好再求我進入唂…唂唂唂…」
聽到呢種…低沉聲…就知我蛋…受到重擊。
U：「攞返個書包嚟呀！重有袋飯！記住下星期二再嚟同我玩喇喎！」佢講完就搦返晒啲嘢走入去屋苑大堂。
好想有一日，要佢含住我對蛋，一邊呵返我再道歉。
都係唔得，個畫面好恐怖，呢個女人同老虎無乜分別。
要返屋企喇，呢度返去都幾麻煩，佢返學都幾辛苦下…
Q：「嘩！你兩個玩到咁鬼夜先返嘅，有無俾佢強姦埋？」QQ講佢啲姐妹確實夠晒入肉又不遺餘力…
我：「唔好講笑，俾佢姦完我諗我下面可以砍掉唔使重來…sorry，最衰都係我激嬲咗佢又輸埋，妳等多陣，我好快煮完mum mum有得食。」
Q：「咦，你塊面…好似有啲腫腫哋嘅？」
我：「哎吔，唔好掂…佢一嘢踢過嚟，我隻手放錯角度…所以咪…撞親下囉。」當然唔可以俾佢知車咗兩巴。




Q：「嗯…佢真係好鬼暴力，但係你有無咁無用呀？我諗我都要同佢講講，如果你攪到周身傷返學…我諗你咁厚面皮無乜所謂，但其他人會更加唔鍾意佢。」
我：「欸…唔好啦，其實佢無乜嘢，只係我自己唔小心啫，我唔慣長時間咁認真打來打去，一時分心…」
Q：「咁你覺得佢點呀？」
我：「吓？點樣覺得佢點？」QQ咁問係乜意思？
Q：「我係問你有無嬲，有無唔開心，覺得佢太霸道？」
我：「無…呀，我覺得佢係一個好勤力、認真、出色嘅女仔，係我無鬼用同衰啫。」
Q：「嗯，你知道就好，唔使傷心，唔好諗住報仇。」
如果俾QQ知道我一下KO咗天王星我諗佢發癲都似。
QQ摸咗兩下我個頭，然後惜咗個嘴仔埋嚟；佢每次主動惜我都會覺得好開心，因為佢唔係想喺我身上面可以攞到啲乜，而係發自內心關心我對我好。但係如果幽蘭無神神惜我就會好擔心，驚佢又受到啲乜刺激令到情緒不穩。
到咗食飯嗰陣，QQ又一路喺度瘋狂打字chat。




我：「嗯？又喺度做生意搵水魚呀？」我知道唔係佢條仔嚟，因為佢對住條仔其實都幾霸道，一句食飯或者溫書然後就cut佢線，而QQ亦係相對獨立唔太黐纏嘅女仔，我就曾經見過QQ喺度直播打機嘅時候，條仔由我落去開工直到返上嚟都一直喺度自言自語，報告自己打完波…同friend食pizza…食埋糖水…到返屋企，好似驚QQ會懷疑佢偷食咁，而QQ又真係理都唔理到落播先覆返佢。
Q：「邊有咁多水魚，同你個朋友講緊嘢啫。」
我：「呀，唔通係阿健…搵妳講埋啲唔知乜？」
Q：「唔係呀，係朋友…唔係好朋友，細龜呀。」
我：「喔，真係辛苦晒妳，乜佢係我朋友嚟咩？」