【代糖故系列】《她被寄宿到屋邨男孩的家中》: K423

U：「你會唔會好想同Queenie拍拖㗎？」
我：「幻想就梗係想㗎，因為總係美好…如果同佢一齊可能會有好多問題㗎，我諗我都滿足唔到佢嘅需要，隨時一開波就鬧架收場，分分鐘朋友都無得再做。」
U：「乜真係咁現實嘅咩？」
我：「妳好唔現實？係妳話我唔夠靚仔又懶散對我無興趣…係爭在未講埋出口話我窮啫。」
U：「我覺得窮唔係問題嚟喎，窮都可以有志氣同毅力，獲得成功之後咪可以慢慢富有囉，相反，如果係啲二世祖敗家仔，好食懶飛又無學識，就算佢再有錢我都唔會睇得起佢哋，不過，我諗Queenie又真係現實少少嘅。」
黐得右女神多，我點會唔知窮人嘅難處，窮人唔止窮在錢，無錢無好學校無得補習無學識，無關係無門路搵工難做生意更難，顧住打工無晒時間無得增值唔識為將來打算，而且有錢人為咗保住佢哋嘅財富同地位係絕對唔會俾你咁容易爬到上去，唔通真係有人會搵錢太易決定同你分享咩，係啲酒樓阿叔先會信本馬經係致富之道，人哋致到富就唔使辛辛苦苦寫本馬經出嚟賣你幾十蚊啦…所以，單靠志氣同毅力就可以成功嘅人絕對係好好彩，妳都識講幾年前屋企檔生意爭啲失敗啦…
但我又真係無乜志氣同毅力，呢個我唔反對。
我：「唔係話我幫住佢，但呢個係佢選擇嚟，我覺得無問題嘅，正如我都鍾意靚女一樣…算嘞，唔好再講我，我都知我廢，有緣同到妳哋做朋友已經好幸運。」
U：「你咪努力啲囉，如果有一日可以同到佢一齊我都會戥你開心㗎，不過你都好吖，有得日日對住佢，而我…唉，望住人哋個facebook同IG都唔知喺度做緊乜。」
我：「妳搵唔到佢咩？話晒都畀緊錢佢賺。」




U：「搵到又點吖，咪又係謦公事…最多都係食餐飯咁，一兩個鐘就完…而且IT人好多嘢鍾意喺網上處理，有時叫我視訊，甚至乎文字已經搞掂…」
我：「嗱，我就覺得…一個正常嘅男人對妳就點都無可能無興趣嘅，只係生意上面嘅往來令到你哋多咗層隔閡啫，佢又已經識你嘅父母，而且妳又咁細個，諗下都會覺得好尷尬啦…但話唔埋佢每次見完妳其實都會返屋企偷偷地攞枝小鋼炮出嚟捋。」
U：「妖，你真係好撚鶻突。」妳夠講出口啦…
我：「咁…如果妳想佢見到妳不舉嘅話，妳鍾意啦。」
U：「又唔係，咁…如果有機會見佢嘅話係咪應該要著得爆啲？」
我：「男人無話唔鍾意嘅，只不過唔知有無用啫…」
U：「點解會無用？我見你女神同Yvonne自己出街嗰陣成日都著得好性感，我諗應該係去拍拖掛。」
我：「呢兩個…黐線㗎，邪魔外道嚟，佢兩個條仔都肯定係鹹濕仔嚟，就算妳學到佢哋點著，都學唔到佢哋其他嘢啦，男仔…唔止係想睇妳哋露肉咁簡單。」