【代糖故系列】《她被寄宿到屋邨男孩的家中》: K441

Q：「唉，我同佢嘅關係一言難盡，唔想解釋咁多…只不過呢，我諗佢應該對我唔會有任何不滿嘅。」
欣：「係呀？係咪一次hand job就收服咗人？定係佢係妳嘅炮友？SP？咁妳條仔又知唔知？」
Q：「妳覺得我係賤女人唔緊要，但我相信阿欣妳係好人嚟，所以…可唔可以…至少同健仔佢解釋清楚先？」
欣：「我已經講咗同佢無可能，係佢自己喺度鑽牛角尖，我無責任俾佢煩住㗎，如果佢覺得我對佢唔住，我唔介意出嚟畀佢屌足一日，但我唔想俾人精神轟炸呀！」
Q：「我都明…但將心比己，如果有個男人咁對妳又點？」
欣：「是但啦，呢個世界大把衰人，咁我都係囉，好未？我要返去拉靶溫書喇，聽日有quiz…」
Q：「如果唔介意嘅話，不如我哋出嚟見個面？」
欣：「妳都幾唔話得㗎喎，佢係妳隻馬嚟啫，有必要幫佢提供箍煲服務咩？我係絕對唔會同佢一齊。」
Q：「一唔一齊呢啲就無得迫嘅，不過佢話無咗妳以後就連機都唔打，咁就無人幫我搭棚，如果我可以做到少少嘢嚟令佢開心返都值得一試嘅，等佢爭我人情唔係一件壞事嚟。」
欣：「妳講到咁…我聽晚七點放咗學之後無嘢做，妳鍾意可以嚟city搵我，到時我會打畀妳。」




Q：「可以，無問題，咁我又一城行住街嚟等妳電話。」
欣：「講明先，唔好同阿健講，我亦唔想見到佢，係咁先。」然後佢就收咗線。
我：「見到佢…咁妳諗住點？」
Q：「無諗住點喎，到時先再算，喂，你做乜會深情咁惜咗阿貞㗎！？又話玩玩下，又講大話？作死你呀！」哎唷，我以為佢已經唔記得咗。
我：「嗰日…飲咗少少酒玩到high大咗啫，好似…愛上咗佢幾秒鐘咁，無嘢喎，唔會有下文…」
Q：「我知無，如果有嘅話你嗰晚重識返嚟咩？」
我：「點可以唔返，第二朝要開學㗎，我係一個好學生嚟…不過妳咁大反應做乜，平時又係咁叫我識女仔。」
Q：「你…鍾意點係你嘅事呀！但係你掂完其他女人又走嚟掂我，咁樣好唔衛生㗎，點知你乾唔乾淨喎！」
我：「欸…如果我覺得自己污糟咗嘅話我唔會掂妳嘅。」
Q：「講你就叻，你肯定到阿貞乾淨咩？」




我：「惜咗一下嘴仔啫，望落佢都好衛生企理…一定乾淨過欣姐先。」
Q：「點知你有無惜埋其他部位呀，一陣攪到個嘴生粒粒就唔好返嚟搵我，咪惹病我呀！」
我：「放心啦…我好乖呀，開咗學我都無掂其他女…」
唉，我唔識define喇…YY…幽蘭係妳最好嘅朋友嚟，我掂過都唔算係掂其他女掛？我無講大話嘅…不過妳咁大反應做乜，妳同條仔拍完拖返嚟又同我攬埋一嚿我都唔介意啦，況且我都無得揀…