【代糖故系列】《她被寄宿到屋邨男孩的家中》: K492

Q：「佢屋企人星期日先返呀，得返佢同埋工人兩個，所以咪過去同佢過下假期囉，佢差唔多想捉住我唔俾我走要我陪佢瞓覺添㗎喇。」
我：「咁都OK嘅，妳講聲就得，係驚妳俾人綁架啫。」
Q：「咁我重有嘢做嘛，同埋我又唔係用佢部琴嚟彈…」
我：「咁…妳加油喇，我應該無嘢幫到手，唔阻妳先。」
Q：「唔係，你有嘢要幫我手，快啲沖涼，洗埋頭添唔該，最緊要乾淨啲。」佢放開琴鍵望住我。
我：「妳做乜成個白骨精一副要開爐嘅樣咁…我唔係童子啲肉唔好味㗎。」所以受害的永遠是唐僧。
Q：「收皮啦你，我要借你副身體嚟做實驗體。」
我：「吓…唔通妳學咗欣姐要測試下處男可以一次過射到幾多同幾遠？呢個…我唔得㗎。」
Q：「走呀！沖涼呀！除咗識射你重有乜撚用呀？！」
我：「我朘朘識屙殊殊，淋花同埋救火。」今次佢無再答我，只係一腳接一腳咁伸我入廁所。




咁既然佢叫到，我就梗係洗到有咁乾淨得咁乾淨，就連陰毛都要搽洗頭水，反開包皮淋淋淋甚至想攞牙刷刷條罅，而為免QQ一時興起想玩毒亞古獸鑽，所以掃清埋朵菊花，真係乾淨到如果我係女仔都想食咗自己呀，換衫出去服侍女王先。
我：「我搞掂喇，請問小弟可以點滿足妳嘅貴幹呢？」
Q：「過嚟…我要…幫你撩耳仔。」佢塊面紅住咁講。
喺人類文明當中，當過咗口腔期，肛門期之後，除咗性器期之外重有個隱藏DLC就係耳朵期，而QQ竟然要…
雖然之前無講過，但誠如性慾面前人人平等，QQ幽蘭同我都要DIY，所以QQ一樣係會撩耳仔嘅，而我當然知道俾女仔幫手撩係一件好爽嘅事情嚟，其暗黑程度可以媲美揼邪骨，不過呢個技術唔係人人有，一下失手甚至可以令你抱憾終生，所以我從來無諗過要勞煩呢個王帝女。
我：「右女神，妳講真㗎？」
Q：「係呀，人哋叫到…咁我都未試過幫人又點會識噃。」
我：「呢條宅菇轆，佢係咪睇得太多蠟筆小新…」憑我所記憶，野原廣志成日發夢同佢啲女下屬一齊上天台幽會放飯食便當，食完就瞓喺個女仔嘅大髀上面接受服務，但佢好似永遠只係停留喺精神出軌嘅層面無實際發生過…
Q：「總之…你瞓喺我大髀上面俾我練習下先啦！」
我：「我…塊面應該要望向邊邊㗎？」




Q：「你係咪廢話呀？自己諗下都知啦。」我喺度諗如果我塊面望向佢個肚仔，以佢個身體嘅包圍力同埋泰山華山壓頂我實會面前一黑，但就可以近距離咁呼吸到佢百慕達三角散發出嚟嘅神秘氣味，令我迷失喺呢個異空間。
結果我都係乖乖地咁望向外圍空曠嘅空間，佢啲新鮮原味底褲我都聞唔少啦，重使乜咁樣自投羅網。
Q：「如果痛要出聲㗎！邊個位舒服都要話畀我聽。」