【士㞗彈系列】《她被寄宿到鹽水男孩的家中》2K15中: K738

我：「真係㗎…其實我而家已經好想射，做乜唔俾呀…」
Y：「因為我話晒事，要你射就射，忍就忍，唔想你連續兩日打我飛機喎，又唔係愛我。」
我：「哦…咁我聽妳話囉。」為免做錯事我就快快手收返埋條嘢，然後執起書包出去閂門，而YY就繼續佢忙碌嘅行程，臨走前經過一樓後樓梯就望下啲女打排球。
其實天王星真係好正…呢種shape一定好好啪，尤其係我親手感受過佢屁股嘅彈性；而佢無論身高，身材定係外貌都比另一個運動女Bubble師姐更加優勝。加埋如果唔計佢啲火爆性格同爛口嘅話，佢實在係一個好清純嘅乖乖女，唔似得QY兩隻色魔，好想睇佢破處嗰下會係乜嘢表情。
雖然唔知點解佢都睇過我雞雞，奇撚怪。
我望住佢對波仔彈下彈下搖下搖，突然一下利刀咁嘅目露兇光射咗上嚟，乜小姐妳唔係望緊個排球㗎咩…
雖然唔係話我驚佢，但如果佢要追究我嘅話都幾麻煩，為免得罪啲惡女都係早啲走人返屋企比較好。
爸：「喔，得你一個返嚟咋？」呢個人放假有夠無聊，竟然攞咗我盒N年前嘅LEGO車喺度砌，好彩唔係拆我㗎船…
我：「吓…不朽得我一個㗎啦，從來都唔會一齊返。」
爸：「但係睇你個樣佢應該都唔會跟住返嚟。」




我：「嗯，佢去咗拍拖，今晚唔使煮佢飯喇。」
爸：「哦，收到，你個樣好似好唔開心咁喎。」
我：「點會，不知幾開心，自由誠可貴呀。」
爸：「係呀…怕且因為無人捉住你做功課咋掛。」
我：「唓，唔使佢捉我都會做功課㗎啦…係嘞，我換件衫落去打下乒乓波，預我八點返嚟食飯啦。」
爸：「呢輪好少見你落去喎，唔通唔抵得同學仔有拖拍，你趕住落去溝返個女朋友？」
我：「咪玩啦，無呢個精力…真係落去打波。」唔係講笑，日日俾佢哋班怪獸圍住已經無力識其他女仔。
又唔係可以任食…之前韻婷黐埋嚟都夠晒頭痛。
爸：「有無人陪你打㗎，使唔使我落去陪下你？」佢有無悶到咁…雖然無女人陪佢，我同QQ又要返學又多活動。
我：「咪玩啦…多個人跟隊我唔使打㗎喇。」




爸：「咁渣嘅你，乜你唔係長勝場主嚟㗎咩？」
我：「未至於囉…同埋街場規矩事不過三呀，冧莊兩鋪就要過莊啦。」如果唔係啲校隊撚就會霸晒場。
當然啦，爹地係無乜管我嘅，所以我都費事同佢講我要去驗身，免得佢八掛問長問短。我入廁所沖咗個非常乾淨嘅涼，再換咗條好新淨無起毛頭嘅底褲，著返套衫就出街。
雖然知道大概係點無乜特別，但心情就仍然係好忐忑。