【士㞗彈系列】《她被寄宿到鹽水男孩的家中》2K15中: K782

我：「欸…你哋不如解決咗先啦，感情問題可以從長計議嘅，我要返學校搵人先喇，再見…」實在係怕咗佢兩隻嘢，不過自此我呢對骯髒嘅手又儲多一對波數。
返到去坐喺有蓋操場，等咗幾分鐘易汪就坐咗喺我隔籬，由於我嘅心情重未平復，一時之間唔知講啲乜好，兩個人就咁靜咗成分鐘，有啲同學路過會望一望我哋。
Y：「你同QQ近排點呀？」估唔到佢問啲咁嘅嘢。
我：「其實就…無乜改變，大致上都係咁。」
Y：「你都幾失敗，一齊住咗咁耐可以一啲進展都無。」
我：「又唔可以話無嘅，玩玩下係幾開心，但妳又唔係唔知佢有男朋友嘅，咁我可以做啲乜喎。」
Y：「你唔覺得佢利用緊你咩，其實你有無嬲佢？」
我：「呢層…是但啦，女神就係正義㗎啦，佢對我都唔差嘅，加埋我都化咗，又點會嬲佢，況且我都無資格講啲乜，可以日日對住個女神當贏咗㗎喇。」
Y：「無出息，做死一世兵啦。」
我：「係無出息㗎喇，唔好唔記得妳對我做緊乜。」




Y：「唔知其他同學會唔會覺得我搶咗QQ條仔嚟玩呢？」
我：「可能唔止妳，或者佢哋覺得妳哋玩緊數字球。」
Y：「你…好似好開心咁喎，數字球係攞嚟俾人掟㗎。」
我：「無所謂吖，最後都係掟落第二條女度啫。」
Y：「如果…喺QQ接受你之前，有第二個女神向你示好，你會點打算？」
我：「如果妳諗住係我主子就可以將我私有化咁就大錯特錯，我係會頑強反抗到底的。」
Y：「你食啦，對你無興趣呀，我只係想食花生。」
我：「對我無興趣又要攪我，妳都幾變態㗎喎。」
Y：「吹呀，我係變態㗎喇，係鍾意慢慢玩你折磨你。」
我：「OK，我個身體可以任妳玩，唔好折磨我嘅感情就得。」




Y：「雖然唔鍾意你，但都會嬲你，點解你咁鍾意QQ？」
我：「我諗…早就超越咗鍾意呢個問題，我當佢係屋企人嚟㗎，所以無論佢對我有無意思都唔會有影響，只要佢繼續同我一齊住，我應該都唔會打算同其他女仔發展，因為咁樣好影響我同佢嘅相處，除非QQ唔鬼理我啦，又或者有另一個女仔可以令我更加著迷，但我唔認為會有。」
Y：「講就叻，慾望當前嗰陣你咪又係跪低。」
我：「可能係啦，因為我都幾無用，但慾望解決咗就會消失㗎喇，唔通我會因為睇過妳個閪而影響到QQ喺我心中嘅地位咩。」
Y：「仆街啦你，從來就無諗住要俾你睇我嗰度。」