【士㞗彈系列】《她被寄宿到鹽水男孩的家中》2K15中: K842

由於我同佢嘅關係無同卡車咁深，所以只係對好位冚紙一泌，就感覺到啲春情混合物開始澎湃咁流出嚟，一路流我就一直加大力度直至無feel為止。
完事後我反開張紙望一望，水同cream同糕嘅比例大概係二比三比五，濃到有啲似芝士蛋糕。
U：「死變態咪睇啦，快啲同我掉咗佢呀！」呢坨嘢，確實有啲似濃濃嘅精液，唔同卡車嗰啲潮吹汁嘅感覺。
我：「嗯，關心妳諗仔諗到內分泌失調漚咗啲乜出嚟啫，或者妳可以叫幽蘭介紹醫生畀妳，實有得搞嘅。」
U：「使鬼你講，快啲準備行喇，要去下一場。」
我：「吓，邊度係下一場呀？」佢已經著返件底衫，然後除咗套道袍著校服，佢嘅速度好鬼快同乾淨利落，似係本身習慣而唔係怕我睇到佢嘅身體。
U：「乜呀，梗係去練鼓啦，你食懵咗呀？」
我：「妳唔係叫佢哋今日抖下，星期四先再練嘅咩？」
U：「佢哋都上晒手，我唔想嘥佢哋時間咋，成班喺度又幫唔到我啲乜，最重要係我自己加緊練習啫。」
我：「哦，咁又其實，我存在都幫唔到妳啲乜。」




U：「點同，鬼叫你條友輸咗比我，咪偷偷走咗去呀！」
唉，好在我而家叫有嘢做幾蚊雞車錢唔算係啲乜，如果唔係一定問佢claim返，不停走嚟走去好鬼浪費。
如是者，我去到就係玩下手遊，然後溫下書，又瞌下眼瞓；曾經想攞枝結他嚟玩下，但係彈咗幾粒連自己都唔知係乜嘅音就放棄，呢嚿嘢嘅直觀性重低過鋼琴，我連邊粒係do都唔知，而最好玩嘅嗰部鼓就長期俾佢霸住。
我：「其實…我喺度真係無嘢做到㗎。」除非有得非禮妳…
U：「我理得你吖，如果你返屋企嘅話有乜做？」
我：「嗯…打下機…上下網…攤喺張床度。」
U：「咁咪係囉，你喺呢度又有乜分別？咪又係打機攤梳化，而且重有免費冷氣添。」
我：「唔同嘅，屋企有家的感覺。」
U：「你返到去咪又係自己一個人，成日讚我靚，家陣對住我好差咩？你夠膽就即刻打電話約Queenie出嚟，約到嘅話我就俾你走。」大佬，人哋喺我屋企㗎。
其實QQ都有問女班長做乜成日捉住我唔放，我鬼知咩，鬼叫輸咗俾佢，好在剩返最後個幾月咋。QQ口中當然話由得我哋無嘢，我都擔心過佢會介意，雖然似乎多餘…




我：「唔啦，咁夜佢邊會出嚟…妳係靚女，但齋睇嘅話會悶㗎嘛，我睇相都得啦。」
U：「哎吔你真係好煩，我差廿幾粒就成功㗎喇，要你陪下我重咁多齮齕…算，我抖下俾你揸下波嘞。」