【士㞗彈系列】《她被寄宿到鹽水男孩的家中》2K15中: K894

我：「包幾多盒先？如果一百盒就每盒成本十蚊。」
健：「梗係唔止啦…我諗…兩至三日可以完工。」
換句話說，一日有四到五百蚊，但啲死商家佬又點會so你吖，肯定全日無停手，我就寧願返多兩日樓下好過。
我：「咁搵唔到人係正常㗎喎，同最低工資有乜分別，做保安齋坐都有呢個數啦…呀，但可能有人可以做…」
健：「邊個呀？你想賣女神落火坑呀？」屌你明知火坑…
懶得理佢，於是我就撥個輪畀某人先。
我：「喂，細蚊，聖誕前得唔得閒呀？想唔想賺下零用錢？」雖然明知係搵笨，但細蚊先啱啱十五歲又咁細粒，唔可以搬搬抬抬無乜工作能力，真係搵鬼請…
蚊：「好呀！同你一齊搵錢錢？係咪酒樓請洗碗？」咪玩啦，酒樓一隻魚碟都夠拎死妳，何況洗完重要疊。
我：「唔係呀，普通食品包裝，做幾日㗎咋，同埋唔係同我一齊做，有一千蚊咁。」
蚊：「咁呀，都可以嘅，你想我去咪去囉，喺邊度做同埋幾時呀？」細蚊佢…真係好聽我話，嚴格嚟講有啲蠢。




我：「哎，你間酒店喺邊㗎？幾時要去？」
健：「無話幾時，得閒就得㗎喇，喺尖沙咀囉。」
蚊：「喂，你同健仔喺樓下？我而家落嚟搵你哋囉！」
於是乎佢飯都未食完就跑落嚟，唔好問點解有啲女仔咁細個就會俾人食咗，因為佢哋屋企就係咁嘅環境。
蚊：「交叉仔！」佢一嘢就坐喺我大髀上面。
其實，除咗無做愛之外，我哋一見面就變返以前嘅關係咁，但如果要講，我同QQ係乜？同契妹佢又係乜…
而健仔就講咗大致上要做啲乜畀佢聽。
蚊：「咁都幾好吖，成千蚊其實唔算少錢。」唉，真係慚愧，可惜我實在無能力對佢好啲，鬼叫我哋窮咩，養QQ始終係我嘅第一責任，雖然明知道只要叫幽蘭出手，五位數以下嘅嘢都可以話唔係嘢嚟。
健：「快手嘅話應該廿粒鐘內做完，叫有五十蚊粒鐘嘅，可以坐喺冷氣房入面做，如果妳OK我就應承人哋。」
蚊：「嗯，咁唔該晒你，我諗我做得嚟嘅。」




我：「如果太辛苦就搵佢算賬，捉埋佢去幫手。」
健：「你以為我唔使做咩，一盤盤自助餐其實好重㗎。」
蚊：「點解你又無端端去打工嘅？你應該夠零用錢㗎。」
我：「咁都好問嘅，講到尾咪又係女。」
蚊：「吓？！你個傻仔竟然搵到女朋友？！」真直接。
結果，又講咗個大概畀佢聽，重有睇下相咁。
蚊：「樣唔差噃，雖然我覺得師姐佢靚啲。」
健：「我就好知足嘅，同埋大卡車的確係幾靚女。」
蚊：「睇下你吖，人哋幾長進，你就剩係識得做人哋隻兵，拖咗咁耐都未食到。」