【士㞗彈系列】《她被寄宿到鹽水男孩的家中》2K15中: K955

我：「食晒…邊有咁易，一個嘅話…都願。」
F：「我又覺得唔係無可能喎，我都肯畀你食啦，你唔食咋嘛…雖然佢兩個係女神，但我估計佢哋睇呢啲嘢唔會睇得咁重，如果你一直喺佢哋身邊遲早實有機會。」
我：「就算真係食到，可能都改變唔到啲乜…」
F：「所以先問你條友想點咋嘛，如果一心係要得到Q嘅話，同Y黐得太埋係唔會有好結果。」呢個契妹想象力好好，但其實又乜都唔知，點解釋都得個煩字。
我：「是但啦，願者上釣…話時話我同妳行得太埋都唔會有好結果。」
F：「哈，我擺明嚟攪破壞㗎啦，受害者又唔係我。」
我：「就算俾妳成功，又有乜益處喎。」
F：「到你失戀嗰陣，佢哋唔理你就會嚟搵我，可能你會鍾意我呢，因為我都幾可愛㗎。」
我：「妳咁講好奇怪，明明我而家就係單身嘅…如果有一日我真係食晒佢哋兩個，再嚟搵妳妳制唔制？」因為假如有呢一日，即係代表咗我同QQ乜都唔係，啱唔啱？
F：「制呀，即係我都可以同女神級嘅平起平坐，係咪先？如果最後贏嘅係我就更加好。」




我：「到時先算啦，唔想諗咁多，好煩。」
F：「定係你係喺度嫌我煩？唔使諗太多，到時搵我就得，唔好走去搵第三個女神。」
我：「乜咁睇得起我？以為我焚化爐可以熔晒佢哋？」
F：「呢個就無可能嘞，我覺得畀到盡三個啦。」
我：「吓，何以見得係三個呢？」點解唔係四個？
F：「幽蘭讀書係好叻，但覺得佢有時傻傻地咁，如果你肯花心機要氹掂佢未必無可能…另外，如果你要食女班長嘅話，我認為唔會返到轉頭，但又唔係無呢個可能性…總之去到三個嘅話，我覺得你哋，以至佢哋都會玩完。」
我：「妳知就好，所以第一個首先唔食妳。」
F：「喂呀！食完…都唔代表我一定會攪破壞㗎嘛。」
真係攞嚟煩，食唔食早就唔係重點，QQ嗰一次我都唔會強求，最想嘅只不過係同QQ一齊喺屋企生活咋嘛，其實只要乜都唔好諗，應該係會一直咁樣落去嘅…
F：「呀，不過我有樣嘢想講，K姐同男班長似乎真係開始咗，雖然無直接承認。」




我：「咁都好嘅，祝佢哋好運啦。」其實早喺旅行嗰日就已經覺得唔對路…無論如何佢唔會煩到班女神就最好，雖然我知道佢嘅可能性係同零無乜分別。
F：「其實你係咪好唔鍾意男班長㗎？」
我：「無乜所謂啦，同我關係不大…如果佢搵到意中人都戥佢開心嘅，話晒佢高大靚仔好似重有啲錢。」