【士㞗彈系列】《她被寄宿到鹽水男孩的家中》2K15中: 2K16

其實我要點？係咪應該要有啲嬲？但經過上次船P一役之後團長都知我哋好玩得，況且咁多女喺度我黑面難免太肉酸，亦好容易引起QQ不必要嘅懷疑。
A：「媱媱，妳唔好咁鍾意我啦。」係咪黐蟹殼㗎？！點解佢可以咁溫柔，不知廉恥，不徐不疾咁喺大庭廣眾之下講出一句咁肉麻嘅嘢而一啲都唔尷尬？呢種操作簡直係神級，就算喺床上面單獨見面剝埋光豬都難以啟齒啦。
無錯，佢就係擁有可以令全世界尷尬嘅神力。
Y：「乜呀！我做乜要鍾意你喎？！」
A：「係呀，咁妳當住班好姐妹發誓話妳無冧過我啦。」
Y：「咁…人哋…嗰陣啱啱識你先俾你吸引到咋嘛。」其實就非戰之罪嚟，對住個咁嘅大哥哥真係好難頂。
A：「嗯，話我知，我同妳條仔邊個正啲？」…。
Y：「唔答你呀，你衰人嚟㗎！」
A：「係，我知錯，我無考慮過妳，因為唔想樂團少緊個靚女拉小提琴，呢點係出於我嘅自私。」
Y：「關乜事呀，我又何德何能俾你睇得上喎。」




A：「我只係唔想妳咁細個就沉迷我啫，妳一係會好痛苦，一係就好快會變成壞女仔。」
Y：「先唔沉迷你個仆街呀，最壞嗰個就係你。」
A：「係，一日最衰都係我，喂我呢個昏君飲酒先啦。」
於是乎YY就遞咗隻杯喺佢嘴邊…
A：「唔係咁呀，妳咪扮唔識啦，曳妹。」佢推返隻杯去YY嘴邊，的確…正常嚟講所有壞女仔都應該要識做。
YY灌入一大口酒，然後唇貼唇黐咗落去團長度再慢慢擘大個嘴，有幾滴會漏出嚟整濕件衫…不過呢啲都唔係重點嚟。兩個老手當然惜得特別肉緊，樹熊YY雙手扣緊團長背脊，團長就一手逗住YY屁股另一手托住佢後尾枕；我有諗過作為一個哎吔男朋友係咪應該要嬲，但我咁鍾意QQ每次睇住佢做精桶送完外賣返嚟咪又係咁…
兩個人夾到實一實嘴咗成分鐘…但隔籬兩個先係面紅…
Z：「喂！傻嘅咩？你做乜食埋個殼？」
我：「吓…原來唔食得㗎…」已經俾我咬爛晒。
Z：「邊有人食枝豆食埋個殼㗎…」佢望住我個樣好似見到有人食蕉連皮食咁，我想嘅咩，咁人哋第一次食吖嘛…如果塊皮唔食得點解要連殼上呢？不過又唔可以咁講，正如蝦蟹都係連殼上，但我作為蝦仁炸蟹鉗派，實在諗唔明點解QQ咁鍾意食油炸異形蝦。




我：「咁荷蘭豆同青豆都係食埋個殼…唔怪得…咁難食。」
Q：「話咗條友食女唔（舌累）骨㗎啦，嗱，臠返個殼出嚟啦。」佢喺角落位攞咗個垃圾桶過嚟。
Z：「妳咁講，我會好擔心妳㗎。」有時我覺得佢理性上係唔反感男女之事，只係好厭惡有男人物理上接觸到佢。