【士㞗彈系列】《她被寄宿到鹽水男孩的家中》2K15中: 2K43

轆兩轆，原來下午茶已經上市兼有八十減三十。
我：「如果…雪菜肉絲炆米加魚角酸辣米線好唔好？」唔好問我點解有啲重覆又有啲刁，主要係想砌夠啱啱八十蚊同避開啲煎炸嘢，中產以上係唔會明㗎喇。
Q：「是但啦，醫肚先就得，我陣間開播。」
我：「其實我覺得茶記啲嘢唔錯㗎喇，如果碟炆米喺我酒樓食成七十蚊，唔夠嘅話可以加兩隻髀嘅。」身為貧窮小朋友當然有app雙開，隨時準備攞雙倍優惠。
Q：「琴晚咪食咗好嘢囉…放心，我有需要可以自己搞掂。」所以呢個妹先會係咁直播坑啲傻仔錢。
咁其實經app嗌嘢食都唔係我啲錢嚟，因為爹地又唔會要我找返啲卡數，係唔敢太過份…唔知佢係點諗嘅呢？當QQ係半個女？定當咗佢係新抱？可能只係覺得有個人陪下我等我無咁悶，少少錢算得啲咩…
正所謂愛屋及烏，如果爹地識到新女人我都會對佢好嘅，例如可以幫佢做下家務，唔好太過份就得，而且我都做唔到啲乜。其實會唔會係我杞人憂天？或者佢喺架船上面大把人同佢玩，有同事，有客，聽聞重有好多娛樂設施，有歌女同舞女表演…更甚者媽咪唔喺度佢可以做乜都得，如果佢食咗雙位數嘅女人唔知媽咪會唔會原諒佢呢？
應該會嘅，因為佢仔仔衰咗十一之後都原諒咗…
我：「呢個page係邊個整㗎？易汪？」
Q：「你真係夠晒清楚你娘娘，本來我同天王星都話唔使，贏咗咪算囉，但佢話既然做咗咁多嘢就攞嚟公關下費事嘥喎，幽蘭又話好，咪由得佢囉。」




我：「的確唔好嘥，五對美腿都唔知夠幾多人J。」
Q：「咪係囉，我自己IG都無放咁大對腳，佢重要擺我係第一幅，而佢自己就喺最尾。」
我：「佢專登咁樣排嚟惡攪妳嘅？」
Q：「唔知佢，因為QuzVy嘛，Q喺第一，Y喺最尾，其實最唔順嘅肯定係天王星，平時學校放佢陸運會攞奬啲相上網佢都唔太鍾意，所以上台就會著返長PE褲。」
我：「使唔使呀，好似女排嗰邊大把佢啲屁股相。」
Q：「出得嚟行就係咁㗎啦，你又唔係唔知佢嘅，有幾憎啲男仔用有色眼鏡睇佢同埋攞佢嚟J，本來剩係得你可以黐埋去佢度㗎咋，而家我知道咗只要靚仔到好似團長咁就得。」有咁極端咩？話晒男班長都重有幫佢手做嘢。
我：「妳覺得班長冧團長？」
Q：「點都有啲呀…你睇唔到佢琴日面紅紅個樣咩，呢啲天性嚟啫，反而幽蘭真係有啲怪，佢雖然唔介意但唔覺佢有幾心動，好似同你玩重開心啲咁。」
我：「咪亂講啦，我只係無好似團長咁玩佢啫。」
Q：「你試諗下，如果團長以前咁樣玩易汪會點？」




我：「無嚕無嚕…咁如果係妳又會點，沉唔沉？」