【士㞗彈系列】《她被寄宿到鹽水男孩的家中》2K15中: 2K89

原則上，我係唔應該識分佢哋啲腳味嘅，因為腳仔嘅氣味係比較獨特，唔等於攬過惜過就可以分得出。
我：「易汪妳實係陰我嘅！所以第一隻係Queenie嘅，而第二隻就係屬於妳嘅，啱唔啱呢？」我解開咗條絲巾。
兩條女各揸住一對襪坐喺我面前，然後互相對望。
Y：「算你有心啦，認到女神啲氣味。」
Q：「關乜事吖，肯定係認到妳，都唔知平時玩埋啲乜。」我都想知其實平時係同妳哋玩緊乜。
Y：「嗱，保鮮袋都幫你預備埋，保證原汁原味，入起佢先啦，費事佢隻臭手污染咗我哋啲味。」
Q：「嗯…估唔到喎，妳捨得俾條Hermes巾掂到佢。」
Y：「你覺得呢條係Hermes巾嚟咩？」
Q：「其他款唔敢包，呢條成隻橙色馬喺中間有乜可能錯呀？」如果可以嘅話我唔太想聽佢哋討論衫褲鞋襪。
Y：「款就係嘅，不過呢條係A貨嚟。」




Q：「吓？乜可以咁靚嘅咩…但做乜無端端走去買朱義盛？雖然理解嘅，鬼叫啲真貨貴得咁crazy。」
Y：「唔關事嘅，本身想trade條二手返嚟，但係又怕買到假貨喎，所以就索性淘條流嘢睇下有乜分別。」
Q：「淘宝唔係封晒啲高仿喇咩，乜重有嘅？」
Y：「表面上係封晒，但某啲正貨會喺詳細度註明可查詢圖案式樣貨板，然後就，妳懂的。」
Q：「咁結論係點，有無乜嘢分別？」
Y：「最大分別就係個盒，同啲假卡假單。」
Q：「流嘢幾錢條？」佢哋係可以當我無到咁。
Y：「全真絲，唔平，大概十份一價格。」
Q：「都算實惠喎，得閒整兩條畀我吖。」
Y：「妳使唔使呀，一個月零用錢都一條啦。」




Q：「點同，真嘢邊捨得攞出街用，如果食嘢彈到會喊㗎…」見佢攞上手好似好開心咁。
係嘅，以佢男朋友嘅出手係唔會送到呢個品質，反而萍水相逢嘅瘟神送咗隻比較值錢嘅生果錶，但僅此一隻。
我：「欸，我有個問題，咁妳哋而家咪無襪著囉，唔怕刮腳咩？」我袋完兩包襪落書包同佢哋講。
Y：「你當我哋傻嘅咩，梗係有後備先送畀你啦，嗱，再益下你，罰你個鹹濕仔幫我哋著返對襪。」呢個易汪越嚟越變態，竟然開始喺QQ面前露出本性，雖然QQ早就知佢係大姣婆啫，但好歹我喺度嘛。
QQ將佢對腳放喺我大髀上面，我就開始套入去。
我：「Queenie，妳對腳仔好靚。」點都要扮下嘢嘅，話晒我無理由可以輕易掂到佢隻腳。