【士㞗彈系列】《她被寄宿到鹽水男孩的家中》2K15中: 2K106

我：「唔…啱咩？妳哋已經贏咗個比賽啦。」
K：「唔阻妳哋練兵，我閃人先。」呢啲係咪叫水溝油？
U：「關乜事，你係打輸咗個奴隸契約直至到年底。」
Y：「啱呀，支持妳趁呢最後十幾日搾到佢一乾二淨。」
F：「唉，妳哋玩仔玩到咁光明正大，睇唔到落去…」
我：「係嘅，視乎妳需要啦…無話唔得嘅。」
U：「係無得唔得！如果敢違約一次就延長你一個月。」
Q：「咁妳哋慢慢玩喇，我要趕去補習先。」
V：「吖，自私呀，又自己一個去玩可愛嘅小朋友。」
Q：「如果妳鍾意…我諗人哋家長唔介意多個高材生姐姐幫手睇住佢哋個仔仔嘅。」




V：「弊在唔得呢，妳就去幫人補習，而我就要返屋企俾人補。」無計啦，社會貧富懸殊嚴重，供需失衡。
Y：「妳哋小心啲呀，人哋小學生嚟㗎咋，咪諗住女仔玩仔就實安全，俾人投訴嘅話女童院都有得妳哋坐。」
Q：「咪以己度人啦，我對細過自己嘅男仔無興趣。」
V：「係囉，一個小學生又點會喂得飽妳喎。」
Q：「咪亂噏呀！我係去正經補習，唔好諗埋啲變態嘢。」
慕：「哦，原來我死因係因為細過某人。」
Y：「你諗錯方向喇，唔係年齡上嘅細，而係物理上嘅細。」升咗高中，變態嘅易汪開黃腔就更加嚴重。
慕：「欸，唔好講到妳好清楚我size咁得唔得？」
Q：「唔得閒同你哋癲呀，我要去趕車喇。」
V：「等埋我呀，不如我車妳去新蒲崗啦。」




慕：「謦掂數未呀？係時候鎖門㗎喇。」
U：「好趕咁喎，肯定係約咗女女啦。」
慕：「無喎，係咪妳約我？我勉強大過妳少少嘅。」
U：「黐線，我要去練空手道呀，鬼得閒約你。」
慕：「如果…妳肯教我空手道嘅話我唔介意㗎，聽聞…有個傻瓜會做活靶幫人練？」
U：「咪癲啦…男同女邊可以一齊打空手道㗎！」
我：「我剩係知，就算要死我都唔會做男仔嘅活靶。」
Y：「我剩係知，佢隻腳一定大力過你唔止少少。」
U：「無可能呀，我唔想得罪某個女仔。」
慕：「講笑咋，我呢啲得罪人多唔驚俾妳打死咩。」




Y：「慕容兄，有進步喎，識得過嚟興風作浪，點解嘅？」
慕：「或者…因為無咗包袱掛，阿爽佢都未死啦。」
Y：「呵，愚子可教也，可惜進步得太遲。」
慕：「女神Y，唔好再玩我啦，就算早啲都唔會有分別。」
U：「好喇，走喇，你可以鎖門喇，男班長。」
慕：「多謝女班長嘅體諒，等我可以準時去練band，下年嘅表現一定唔會再令妳哋失望。」