【士㞗彈系列】《她被寄宿到鹽水男孩的家中》2K15中: 2K108

我：「妳點知喎，唔試下邊有答案呢…佢呢啲男仔睇落係衰，身邊鬼死咁多女仔，但未必會唔理妳嘅…係可能妳要犧牲少少啫，佢都講過如果妳想破處可以搵佢，但我覺得…唔係咁死㗎咋，呢啲嘢有好多走棧…」
U：「你理得我點解知啫！同埋…我唔想麻煩到人。」
我：「咁好啦…好喇…忘記咗佢…當佢係衰人嚟啦。」
U：「你好無用呀！」媽呀…又唧滴眼淚出嚟做乜…
我究竟做錯咗啲乜？對住全部女仔都無計可施…
我抱住佢，再壓低佢…架車教落任何女人發爛都可以用呢招嚟應對，如果無效，又或者攬唔落手，就夾住條尾巴逃走啦；我覺得同打架有異曲同工之妙，一係一嘢劈頸，或者插眼，如果無信心做到就撇啦。
成身大汗嘅佢，剩係條頸啲味就已經重過易汪隻臭襪。
幽蘭鍾意我服侍佢身體，而女班長…似乎需要被凌辱。
我：「舒唔舒服啲？妳唔係自己一個㗎。」
U：「嗯。」我哋兩條頸互相扣住。




我：「對唔住，我唔係團長，我連佢十份一都無。」
U：「正一廢柴！點解我要抱住你…」講就咁講，唔好唔記得佢好大力，大到以為就嚟要俾佢抱腰背摔。
我：「我都唔知點幫妳，但其實溝仔無妳想象中咁難。」
U：「我係咪真係咁差？」
我：「點會差喎，人靚，身材好，運動全能，讀書叻…」
U：「咁點解音樂日之後佢哋個個都有人同佢哋表白，就連Zilvia都收到兩封信，團長寧願同嗰啲黐線嘅妹妹仔玩都唔理我，你對住Queenie同易汪就唯命是從，要你陪我練空手道就誓願咁。」
我：「係咁咋…我諗…因為要符合預期囉。」
U：「我唔明，即係點？」
我：「即係啲仔認為妳要趕走佢哋咯，咪成全妳囉，佢哋唔會認為同妳表白有成功機會，妳亦唔會因為咁而開心，而且從來無一個勇者出現，咁又會有邊個做呢啲傻事？」
U：「咁同易汪佢哋表白都唔會有機會㗎。」




我：「呢樣，就好複雜…表白從來就唔一定係為咗得到對方，而機會亦未必一定喺眼前㗎嘛，妳可以睇下易汪，佢擺明就對所有仔都無興趣，但咪又可以同啲仔有講有笑，唔係佢點搵到成個攝影學會同校園電視幫妳哋拍攝，重有個衰妹Queenie，枱底就狠狠咁請社長食檸檬，但枱面就同人哋好好朋友，重幫佢手做社員，攪到瘟神平時對住佢都唔知點算好，至於妳，算吧啦，十年後都唔會學到佢兩個㗎喇，如果妳一開始同男班長關係好啲，以佢咁鍾意靚女嘅死性早就對妳死心塌地啦，如果唔係做乜要幫妳做幹事，咁而家K姐實想殺咗妳都似…」