【士㞗彈系列】《她被寄宿到鹽水男孩的家中》2K15中: 2K126

我：「咁…去旺角TOP？嗰度好似有好多妳呢啲衫…」
F：「鬼唔知咩，咁係咪你埋單？」
我：「一件兩件…都唔係唔得嘅。」事實上如果佢揀對QQ買嗰啲鞋而經夠KO咗我銀包。
F：「唔喇，你肯定嫌悶，而且又幫唔到手。」
我：「唔知…啲商場嘅聖誕裝飾整好晒未呢？有無邊間值得睇…」對於一個鍾意喺歐卡睇法國核電廠，羅馬鬥獸場，北歐跨海大橋，到處田園景色嘅小朋友嚟講，香港商場入面啲塑膠聖誕樹有幾高關我㞗事咩。
雖然喺小朋友心目中，聖誕樹頂嗰粒星星，乳豬頭嗰半粒染色車厘子乘二，加上㧻得穿嘅壽包都係有崇高嘅地位。我認我好無聊，從來都覺得華盛頓斬錯樹，如果佢斬嘅係椰子樹就會得到一個無著底褲嘅少女…
F：「好廢呀你！都唔知啲女神點解會理你！」
我：「係囉…我都唔知。」其實啲女神個個都好有主見，識得將我利用殆盡，唔使我嘥時間諗有乜職責。
我：「對唔住呀，不過我今晚會喺妳身邊陪妳，妳想做乜都得。」但起碼我識攬返住佢，千祈唔好叫我做愛拜托…
F：「算你啦，契哥，好暖…」十二月著單T嘅我直頭覺得熱添，多謝資本主義同物質世界為人類帶嚟氣候暖化。




我：「咁妳想去邊就去邊，想做乜就做乜啦。」我拖起佢隻手，佢亦都開心返。
F：「我想去買玩具。」行咗一陣之後佢同我講。
我：「玩具？盲盒？Qposket？玩具反斗城啱唔啱？又或者落去福榮街都有好多特價貨。」以前我最鍾意去掃翻版LEGO，其實嗰度都有好多女仔玩具嘅，例如老翻Sanrio精品，信和應該無咁啱佢哋，係易汪先會諗到去嗰度trade figure，但對班女神嚟講，可能生果錶，電子樂器，炒得嘅名牌嘢先係真正嘅玩具。
F：「唔係呀…我指，嗰啲玩具…」秒懂了…
我：「但係…我哋一齊去買會唔會唔係幾好？」
F：「唔會呀，我唔識，亦都未買過，契哥你拍過拖係咪應該有經驗，可唔可以帶我去？」睇嚟佢係認真。
我：「嗯…都可以嘅，我知深水埗有間。」
F：「即係你去過啦，咁你帶路。」
做生不如做熟，見QQ粒遙控蛋都未壞，算係信得過。
呢邊距離學校唔遠所以好容易撞到熟人，我個朵臭晒其實問題不大，但如果同佢俾人撞破都唔係一件好事，貴為同班同學實俾人玩到傻，又唔知班女神會有乜反應。




雖然QQ心入面應該預咗，佢點會睇唔穿其他女仔諗乜，好在契妹著到鬼五馬六咁，遠睇無咁易認得。