【士㞗彈系列】《她被寄宿到鹽水男孩的家中》2K15中: 2K129

姐：「然後頂呢度有粒制，㩒就開，再㩒就轉模式，有五種…弱…中…強…同兩種間歇，最後就閂返。」
我突然之間有啲懷疑，用手臂或者大髀試唔得嘅咩？
F：「咁舒唔舒服呀？」佢露出個一面期待嘅樣。
姐：「普通啦，有少少感覺，本身就預妳加埋其他嘢用嘅，妳鍾意都可以試下㗎，呢度有個試身室。」
F：「都好喎，試下先穩陣啲。」唔通唔啱又買返大咩…
姐：「呀，既然要用試身室，不如順便買套情趣內衣吖。」佢指住一大堆萬國旗。
我：「唔使啦…佢自己玩啫，又無得著畀男朋友睇。」
姐：「而家無啫，遲啲就有㗎啦，好平㗎咋，通通都係一百蚊咁大把。」
我：「嘩，呢個價咪重平過啲普通內衣？」
姐：「咁呢啲係攞嚟玩，唔係著出街㗎嘛，布料方面就普普通通啦，係為咗做返個樣出嚟。」鬼唔知咩，之前同QQ去某宝睇演出服嗰陣都見過，破布兩塊先三四十。




F：「等我睇睇…你覺得邊套好啊？」
我：「都差唔多啫…妳鍾意就得。」事到如今已經阻唔到佢課金畀MK大姐姐…雖然無幾多，主因係我窮得滯。
F：「呢套好唔好呀？」佢指住套黑色嘅。
我：「惡魔…好呀，就試下啦。」雖然佢唔使著都夠惡魔…
姐：「講明先呀，著咗上身就無得換㗎喇，你懂的，除非件衫本身有問題啦。」乜呢件嘢真係可以叫做衫？
F：「嗯，我揀好喇…咁，你重企喺度？」
我：「妳咪入去換同埋試囉，想我點？」
F：「入埋嚟幫我呀，我唔識著…」咁點解我會識…
姐：「你咪入去幫下…細妹囉，呢啲內衣通常都要綁繩，有人幫下係好啲嘅，同埋妳話震蛋太普通，呢度有個吸啜器應該啱妳，上面下面都用得，但就無demo畀妳試嘞，USB充電，一百五十蚊，要唔要埋？」
我：「好喇好喇，拎嚟啦，唔使再sell。」




姐：「入去慢慢試，慢慢玩啦，記得試真啲，牆上面條USB燈㩒制就開㗎喇。」佢幫我哋拉埋塊布。
一開燈，就發覺呢間試身室都幾古怪，前後兩塊全身鏡，天花板係鏡，地面兩格階磚都改埋做鏡面。
F：「契哥，咁我換衫喇。」
我：「咁我熄返燈啦。」
F：「喂呀，黑鼆鼆我點換衫呀…」
我：「唔係呀，上下有光透入嚟…幾好情調吖。」
佢見我咁講就由得盞燈熄咗，開始喺度除衫。
而因為入咗嚟一陣嘅關係，隻眼亦都開始適應返。